Waltair Veerayya: దర్శకుడు బాబీ దర్శకత్వంలో మెగాస్టార్ చిరంజీవి హీరోగా నటించిన “వాల్తేరు వీరయ్య” జనవరి 13వ తారీకు విడుదల కానున్న సంగతి తెలిసిందే. సంక్రాంతి పండుగ సందర్భంగా విడుదలవుతున్న ఈ సినిమాపై మెగా ఫ్యాన్స్ భారీ అంచనాలు పెట్టుకున్నారు. పైగా ఈ సినిమాలో మాస్ మహారాజ రవితేజ కూడా కీలకపాత్ర చేయడం జరిగింది. దాదాపు 20 సంవత్సరాల తర్వాత చిరంజీవితో ఫుల్ లెన్త్ లో రవితేజ నటిస్తూ ఉండటంతో “వాల్తేరు వీరయ్య” పై అటు మెగా ఇటు రవితేజ అభిమానులలో భారీ అంచనాలు ఏర్పడ్డాయి. ఇప్పటికే ఈ సినిమాకి సంబంధించి దేవి శ్రీ ప్రసాద్ అందించిన బాణీలు అభిమానులను ఎంతగానో ఆకట్టుకున్నాయి బాస్ సాంగ్ యూట్యూబ్లో రికార్డు స్థాయి వ్యూస్ రాబడుతోంది.
ఇంకా వారం రోజులు మాత్రమే సినిమా రిలీజ్ అవ్వటానికి టైం ఉండటంతో ప్రమోషన్ కార్యక్రమాలు కూడా షురూ అయ్యాయి. ఇప్పటికే వాల్తేరు వీరయ్య సినిమా సెట్ లో మీడియా సమావేశం నిర్వహించి అనేక విషయాలు చిరంజీవి, రవితేజ దర్శకుడు బాబి నిర్మాతలు కూడా తెలియజేశారు. అయితే ఇప్పుడు సినిమా ప్రీ రిలీజ్ వేడుక ట్రైలర్ విడుదలకు సంబంధించి సినిమా యూనిట్ నుండి సరికొత్త అప్ డేట్ వచ్చింది. విషయంలోకి వెళ్తే విశాఖపట్నం AU గ్రౌండ్ లో ప్రీ రిలీజ్ వేడుక జరగనుంది. వాస్తవానికి విశాఖ ఆర్కే బీచ్ లో ప్రీ రిలీజ్ ఈవెంట్ నిర్వహించాలని సినిమా యూనిట్ భావించింది.
పోలీసుల నుండి అభ్యంతరాలు రావడంతో విశాఖ ఏయు ఇంజనీరింగ్ కాలేజీ గ్రౌండ్స్ కి మార్చడం జరిగింది. కాగా జనవరి ఏడవ తారీఖు “వాల్తేరు వీరయ్య” ట్రైలర్ రిలీజ్ కానుంది. ఇక జనవరి 8వ తారీకు విశాఖలో ప్రీ రిలీజ్ వేడుక జరగనుంది. జనవరి 13వ తారీకు సినిమా రిలీజ్ కానుంది. వాల్తేరు వీరయ్య రిలీజ్ అవ్వక ముందు రోజు బాలకృష్ణ “వీరసింహారెడ్డి” రిలీజ్ అవుతుంది. ఈ సంక్రాంతికి చిరంజీవి వర్సెస్ బాలకృష్ణ సినిమాలు పోటీ పడుతున్నాయి. మరి సంక్రాంతి బాక్స్ ఆఫీస్ వద్ద ఎవరు పై చేయి సాధిస్తారో చూడాలి.
Shyamala: అప్పుడు పవనిజం.. ఇప్పుడు జగనిజం… ఏంటి శ్యామల ఇది..?