AP CID: స్కిల్ డవలప్ మెంట్ స్కామ్ కేసులో టీడీపీ ఎమ్మెల్యే, మాజీ మంత్రి గంటా శ్రీనివాసరావును పోలీసులు అరెస్టు చేశారు. ఈరోజు వేకువ జామున విశాఖలోని ఆయన నివాసానికి భారీగా పోలీసులు చేరుకున్నారు. దిశ ఏసీపీ వివేకానంద నేతృత్వంలో గంటా శ్రీనివాసరావును అదుపులోకి తీసుకున్నారు.
ఇదే కేసులో టీడీపీ అధినేత చంద్రబాబును ఏపీ సీఐడీ పోలీసులు అరెస్టు చేశారు. నంద్యాలలో చంద్రబాబు బస చేసిన ప్రాంతంలోనే పోలీసులు చంద్రబాబును అరెస్టు చేశారు.
చంద్రబాబును రోడ్డు మార్గంలో మంగళగిరి సీఐడీ కార్యాలయానికి తరలిస్తున్నారు. 2021 లో నమోదైన ఈ కేసులో ఒక పక్క చంద్రబాబు, మరో పక్క మాజీ మంత్రి గంటా శ్రీనివాసరావును అరెస్టు చేయడం రాష్ట్ర రాజకీయ వర్గాల్లో హాట్ టాపిక్ అయ్యింది.
టీడీపీ నేతలు నిరసన కార్యక్రమాలు చేసే అవకాశం ఉండటంతో రాష్ట్ర వ్యాప్తంగా టీడీపీ ఎమ్మెల్యే, ఇన్ చార్జిలు, ముఖ్య నేతలను హౌస్ అరెస్టు చేశారు పోలీసులు. చంద్రబాబు, గంటా శ్రీనివాసరావు అరెస్టులను టీడీపీ నేతలు ఖండిస్తున్నారు.