Pawan Kalyan NTR: తెలుగు చలనచిత్ర పరిశ్రమలో ఈ ఏడాది సెకండ్ హాఫ్ భారీ సినిమాలో విడుదల కావడానికి సిద్ధమవుతున్నాయి. ఈ సినిమాలలో పవన్ కళ్యాణ్ నటిస్తున్న ఓజి, ఎన్టీఆర్ నటిస్తున్న దేవర సినిమాలు కూడా ఉన్నాయి. ఇప్పటికే ఈ రెండు చిత్రాలకు సంబంధించి విడుదల తేదీలు ఆల్రెడీ అధికారికంగా ప్రకటించడం జరిగింది. “ఓజి” సెప్టెంబర్ 27వ తారీకు విడుదల చేస్తున్నట్లు తెలిపారు. “దేవర” అక్టోబర్ 10వ తారీకు దసరా కానుకగా రిలీజ్ కాబోతున్నట్లు స్పష్టం చేశారు. కాగా సరిగ్గా దశాబ్దం కిందట ఇవే తేదీలతో… ఈ ఇద్దరీ హీరోల సినిమాలు విడుదలయ్యాయి.
2013వ సంవత్సరంలో సెప్టెంబర్ 27వ తారీకు పవన్ కళ్యాణ్.. త్రివిక్రమ్ దర్శకత్వంలో నటించిన “అత్తారింటికి దారేది” విడుదలై సూపర్ డూపర్ హిట్ అయింది. ఆ సమయంలో ఈ సినిమాకి సంబంధించి ఫస్టాఫ్ ముందుగానే లీక్ అయిపోయింది. అయినా గాని సినిమా ఇండస్ట్రీ హిట్ అయింది. పవన్ కళ్యాణ్ కెరియర్ లోనే బిగ్గెస్ట్ బ్లాక్ బస్టర్ హిట్ గా “అత్తారింటికి దారేది” నిలిచింది. ఇక అదే ఏడాది అక్టోబర్ 10వ తారీకు నాడు హరీష్ శంకర్ దర్శకత్వంలో “రామయ్య వస్తావయ్య” అనే సినిమా చేయడం జరిగింది. భారీ అంచనాల మధ్య విడుదలైన ఈ సినిమా బాక్సాఫీస్ వద్ద బోల్తా పడింది.
కాగా ఇప్పుడు దాదాపు దశాబ్ద కాలం తర్వాత అదే తేదీలతో ఇద్దరు హీరోల నటించిన సినిమాలు విడుదల కావడం సంచలనంగా మారింది. ఆ సమయంలో పవన్ కళ్యాణ్ “అత్తారింటికి దారేది” పై చేయి సాధించింది. మరి ఈసారి దేవర, ఓజీ లలో ఏది విజయం సాధిస్తుంది అన్నది ఆసక్తికరంగా మారింది. సుజిత్ దర్శకత్వంలో ఓజీ సినిమా షూటింగ్ జరుపుకుంటుంది. పవన్ కళ్యాణ్ ఈ సినిమాలో గ్యాంగ్ స్టార్ గా కనిపిస్తున్నారు. కొరటాల శివ దర్శకత్వంలో ఎన్టీఆర్ “దేవర” తెరకెక్కుతోంది. రెండు భాగాలుగా రాబోతున్న “దేవర”లో ఎన్టీఆర్ డబల్ రోల్ లో కనిపించనున్నట్లు సమాచారం.
Shyamala: అప్పుడు పవనిజం.. ఇప్పుడు జగనిజం… ఏంటి శ్యామల ఇది..?