kommineni Srinivasa Rao: సీఆర్ ఏపీ మీడియా అకాడమి ( సీ రాఘవాచారి ఏపీ మీడియా అకాడమీ) చైర్మన్ పదవికి సీనియర్ జర్నలిస్ట్ కొమ్మినేని శ్రీనివాసరావు రాజీనామా చేశారు. వ్యక్తిగత కారణాలతోనే రాజీనామా చేస్తున్నట్లు ఆయన ఒక ప్రకటనలో తెలిపారు. తనపై నమ్మకంతో మీడియా అకడమీ చైర్మన్ గా నియమించి.. పూర్తి సహాయ సహకారాలు అందించినందుకు గానూ సీఎం వైఎస్ జగన్మోహనరెడ్డికి ఈ సందర్భంగా కృతజ్ఞతలు తెలియజేశారు.
సీనియర్ పాత్రికేయుడైన కొమ్మినేని శ్రీనివాసరావు 2022 నవంబర్ 10 తేదీన ఏపీ మీడియా అకాడమీ చైర్మన్ గా బాధ్యతలు చేపట్టారు. తన పదవీ కాలంలో వర్కింగ్ జర్నలిస్ట్ ల కోసం పలు కార్యక్రమాలు నిర్వహించడం సంతృప్తిని అందించిందని పేర్కొన్నారు. ఈ నెల 16వ తేదీ వరకూ సంక్రాంతి సెలవులు ఉండటంతో 17వ తేదీ నుండి తన రాజీనామా అమలులోకి వస్తుందని తెలిపారు.
తన పదవీ కాలంలో రాష్ట్ర వ్యాప్తంగా పర్యటించి, ముఖ్యమంత్రి జగన్ ప్రవేశపెట్టిన పాలనా సంస్కరణలు, సంక్షేమ కార్యక్రమాలు పత్రికా ముఖంగా ప్రజలకు వివరించగలిగినట్లు శ్రీనివాసరావు తెలిపారు. తన పదవీ కాలంలో సహకరించిన మీడియా మిత్రులకు, అధికారులకు, ప్రజా ప్రతినిధులకు ఈ సందర్భంగా కొమ్మినేని కృతజ్ఞతలు తెలిపారు.
తమ పదవీ కాలం ముగియకముందే పదవికి రాజీనామా చేసిన సీనియర్ పాత్రికేయుల్లో కొమ్మినేని శ్రీనివాసరావు రెండో వారు. ఇంతకు ముందు సీనియర్ పాత్రికేయుడు రామచంద్రమూర్తి కూడా ప్రభుత్వ సలహదారు పదవికి రాజీనామా చేశారు. జగన్ సర్కార్ నియమించిన కొద్ది నెలలకే ఆయన రాజీనామా చేశారు. తాజాగా సీనియర్ పాత్రికేయుడైన కొమ్మినేని కూడా పూర్తి కాలం పదవిలో ఉండకుండా రాజీనామా చేశారు. ఈ ఇద్దరూ కూడా వ్యక్తిగత కారణాలతోనే పదవులను వీడారు.
Revanth Reddy – Rahul Gandhi: రాహుల్ భారత్ జోడో న్యాయ యాత్రకు సీఎం రేవంత్ రెడ్డి