Nellore GGH: ఆ ఘటనపై మహిళా కమిషన్ సీరియస్ ..! సమగ్ర విచారణకు ఆదేశం..!!

Share

Nellore GGH: నెల్లూరు జీజీహెచ్ సూపరింటెండెంట్ ప్రభాకర్ లైంగిక వేధింపుల వ్యవహారం సోషల్ మీడియాలో వైరల్ కావడంతో రాష్ట్ర మహిళా కమిషన్ స్పందించింది. సూపరింటెండెంట్ లైంగిక వేధింపుల ఆరోపణలపై తక్షణం సమగ్ర విచారణ జరపాలని రాష్ట్ర మహిళా కమిషన్ చైర్ పర్సన్ వాసిరెడ్డి పద్మ ఆదేశించారు. నెల్లూరు జిల్లా కలెక్టర్ తో ఆమె శుక్రవారం ఈ విషయంపై మాట్లాడారు. ఇటువంటి కామాంధులను ఉపేక్షించరాదని పేర్కొన్నారు. గత కొద్ది రోజులుగా జీజీహెచ్ సూపరింటెండెంట్ ప్రభాకర్ హౌస్ సర్జన్ లు ఇతర దిగువ స్థాయి మహిళా ఉద్యోగినులతో అసభ్యంగా మాట్లాడుతూ లైంగిక వేధింపులకు గురి చేస్తున్నారని వార్తలు వస్తున్నాయి.

State women commission chair person serious on Nellore GGH issue
State women commission chair person serious on Nellore GGH issue

ఈ వ్యవహారంపై ఓ హౌస్ సర్జన్ నేరుగా ఆయనకు ఫోన్ చేసి క్లాస్ పీకిన ఆడియో టేప్ సోషల్ మీడియాలో వైరల్ అవ్వడంతో ఆయన బండారం బట్టబయలు అయ్యింది. ఈ ఘటనపై తీవ్రంగా స్పందించిన మహిళా కమిషన్ చైర్ పర్సన్ వాసిరెడ్డి పద్మ బాధితులు నిర్భయంగా వివరాలను మహిళా కమిషన్ కు వెల్లడించాలని సూచించారు. వాట్సాప్ నెం.9394528968 కు స్వయంగా సంప్రదించవచ్చని కూడా పద్మ తెలిపారు.

Read More: Murder: భార్య, కుమారుడుపై గొడ్డలితో దాడి..! భార్య మృతి, కుమారుడి పరిస్థితి విషమం – కారణం తెలిస్తే షాక్ అవ్వాల్సిందే..!!

ప్రత్యక్ష దైవంగా భావించే వైద్య వృత్తిలో ఉన్న అధికారి ఆ వృత్తికి మచ్చ తెచ్చే విధంగా వ్యవహరించడం బాధాకరమని అన్నారు. సూపరింటెండెంట్ వైధింపులకు గురి అయిన వారు నిర్బయంగా తమకు ఫిర్యాదు చేయవచ్చని, వారి వివరాలను గోప్యంగా ఉంచడం జరుగుతుందని భరోసా ఇచ్చారు. ఈ వ్యవహారంపై దర్యాప్తు జరపాలని వైద్య ఆరోగ్య శాఖ ప్రిన్సిపల్ సెక్రటరీని కూడా మహిళా కమిషన్ కోరింది.

కాగా రెండేళ్ల క్రితం ఇదే ఆసుపత్రిలో ఓ అధ్యాపకుడు వైద్య విద్యార్థినితో అసభ్యకరంగా మాట్లాడిన ఆడియో వైరల్ కావడంతో నాడు ప్రభుత్వం అతనిని విధుల నుండి తొలగించి విచారణ కమిటీ వేసింది. అది జరిగిన రెండేళ్లకు ఇప్పుడు సూపరింటెండెంట్ వ్యవహారం వెలుగులోకి వచ్చింది.


Share

Related posts

‘ లైంగికంగా వేధించకండి .. బతకానివ్వండి ‘ రష్మి చెప్పినదాంట్లో న్యాయం ఉంది ..!!

sekhar

Anchor Suma : స్టేజ్ మీదనే యాంకర్ సుమపై హైపర్ ఆది పంచులు?

Varun G

కరోనా వచ్చింది..కోట్లు పోయాయి…ప్రాణాలు దక్కలేదు..! విషాద గాధ..!!

Special Bureau