7 Days 6 Nights Trailer: నిర్మాత‌గా ఎన్నో హిట్ చిత్రాల‌ను ప్రేక్ష‌కుల ముందుకు తీసుకువ‌చ్చిన ఎం. ఎస్. రాజు.. `వాన`, `తూనీగ తూనీగ` సినిమాల‌తో ద‌ర్శ‌కుడిగా మారాడు. ఈ రెండు చిత్రాలు బాక్సాఫీస్ వ‌ద్ద బోల్తా ప‌డ‌టంతో కాస్త గ్యాప్ తీసుకున్న ఎం.ఎస్.రాజు ఆ మద్య డర్టీ హరి సినిమాను తెరకెక్కించాడు. అడల్ట్ కంటెంట్ తో రూపుదిద్దుకున్న ఈ చిత్రం ఓ వ‌ర్గం ప్రేక్ష‌కుల‌ను ఆక‌ట్టుకోగ‌లిగింది.
ఇక ఎం.ఎస్.రాజు ప్ర‌స్తుతం త‌న‌యుడు సుమంత్ అశ్విన్‌తో ఓ సినిమా చేస్తున్నాడు. అదే `7 డేస్ 6 నైట్స్`. ఈ మూవీలో రోహన్ మ‌రో హీరోగా క‌నిపించ‌బోతుండ‌గా..మెహర్ చాహల్, కృతికా శెట్టి హీరోయిన్లుగా న‌టించారు. వైల్డ్‌ హనీ ప్రొడక్షన్స్‌, వింటేజ్‌ పిక్చర్స్‌, ఏబిజి క్రియేషన్స్‌ బ్యానర్ల పై సుమంత్ అశ్విన్, ఎస్. రజనీకాంత్ సంయుక్తంగా ఈ చిత్రాన్ని నిర్మించారు. ఎప్పుడో షూటింగ్ పూర్తి చేసుకున్న ఈ చిత్రం త్వ‌ర‌లోనే విడుద‌ల కానుంది. ఈ నేప‌థ్యంలోనే మేక‌ర్స్ తాజాగా `7 డేస్ 6 నైట్స్` ట్రైల‌ర్‌ను బ‌యట‌కు వ‌దిలారు.
`ఇది భక్తి కాదన్నా.. బ్యాచిలర్ ట్రిప్` అంటూ ప్రారంభమైన ఈ ట్రైలర్ ఫుల్ రొమాంటిక్‌గా, ఇంట్ర‌స్టింగ్‌గా సాగింది. రోహన్‌కు పెళ్లి ఫిక్స్ అవ్వడంతో అతడు, సుమంత్ అశ్విన్ గోవాకు బ్యాచిలర్స్ ట్రిప్ వేస్తారు. అక్క‌డ పెళ్లి కుదిరినా ఆ విషయం దాచి ఓ అమ్మాయికి రోహన్ లైన్ వేస్తాడు.
సుమంత్ అశ్విన్ వేరే అమ్మాయితో ప్రేమలో పడతాడు. అయితే గోవాలో ఈ రెండు జంటల జీవితాలు ఏడు రోజులు ఆరు రాత్రుల్లో ఎలా మారాయి అన్న‌దే `7 డేస్ 6 నైట్స్` కథాంశంగా ట్రైలర్ బ‌ట్టీ అర్థం అవుతోంది. ఇక డర్టీ హరి మాదిరిగానే ఈ సినిమా ట్రైలర్‌నూ కిస్సింగ్ సీన్స్, ఇంటిమేట్ సీన్స్‌తోనే నింపేశారు. దీంతో ఇప్పుడీ ట్రైలర్ కాస్త యూత్‌ను ఆక‌ట్టుకుంటూ సోష‌ల్ మీడియాలో వైర‌ల్‌గా మారింది. మ‌రి దానిపై మీరూ ఓ లుక్కేసేయండి.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!