ప్రస్తుతం టాలీవుడ్ ప్రెస్టీజియస్ చిత్రాల్లో ఒకటైన `RRR`లో బాలీవుడ్ ముద్దుగుమ్మ అలియా భట్ నటిస్తోన్న సంగతి తెలిసిందే. యంగ్ టైగర్ ఎన్టీఆర్, మెగాపవర్ స్టార్ రాంచరణ్ కాంబినేషన్ లో దర్శక ధీరుడు ఎస్.ఎస్.రాజమౌళి ఈ చిత్రాన్ని తెరకెక్కిస్తున్నారు. ఇందులో మన్యం వీరుడు అల్లూరి సీతారామరాజుగా రాంచరణ్ నటిస్తుండగా.. కొమరం భీమ్ పాత్రలో ఎన్టీఆర్ నటిస్తున్నారు. ఈ రెండు పాత్రలకు సంబంధించిన కల్పిత కథే `RRR`. ఇందులో రాంచరణ్ జోడిగా బాలీవుడ్ భామ అలియా భట్ నటిస్తోంది. ఏదో వచ్చామా? చేశామా? అన్నట్లు కాకుండా ఓ డేడికేషన్ తో అలియా భట్ నటిస్తుంది. చేస్తోంది తెలుగు సినిమా కాబట్టి.. తెలుగును అర్థం చేసుకుని హావభావాలను పలికించడానికని ఓ ట్యూటర్ ను పెట్టుకుందట అలియా. “హావభావాలను చక్కగా పలికించే భాష తెలుగు. ఇప్పుడిప్పుడే తెలుగు పదాలకు అర్థాలు తెలుసుకుంటున్నాను. తెలుగును నేర్చుకోవడం చాలెంజింగ్ గా అనిపిస్తుంది. రాజమౌళిగారితో పనిచేయాలనే నా డ్రీమ్ ఈ సినిమాతో తీరుతుంది“ అని అన్నారు అలియా భట్.
previous post
next post
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!