ప్రస్తుతం మెగాస్టార్ చిరంజీవి కొరటాల శివ దర్శకత్వంలో ‘ఆచార్య’ అనే సినిమా చేస్తున్న సంగతి అందరికీ తెలిసిందే. మొన్నటి వరకు కరోనా వైరస్ కారణంగా సినిమా షూటింగ్ ఆగిపోవడం జరిగింది. కాగా ఇటీవల ప్రభుత్వాలు అనుమతులు ఇవ్వటంతో త్వరలోనే ఈ సినిమా షూటింగ్ ప్రారంభం కానుంది. ఇదిలా ఉండగా ‘ఆచార్య’ సినిమా అయిన వెంటనే చిరంజీవి మలయాళంలో సూపర్ డూపర్ హిట్టు సినిమా ‘లూసీఫర్’ తెలుగులో రీమేక్ చేస్తున్న సంగతి అందరికీ తెలిసిందే. సాహో సినిమా డైరెక్టర్ సుజిత్ దర్శకత్వంలో చిరంజీవి ఈ సినిమా చేయనున్నారు.
ప్రస్తుతం ఈ సినిమాకి సంబందించిన స్క్రిప్ట్ వర్క్ పనులు జరుగుతున్నాయి. ఇదిలా ఉండగా ఈ సినిమాలో మలయాళంలో పృథ్వీరాజ్ పోషించిన పాత్రలో తెలుగులో విజయ్ దేవరకొండ పోషించనున్నట్లు ఫిలింనగర్ లో వార్తలు వస్తున్నాయి. ఆ పాత్ర విజయ్ దేవరకొండ కి అయితేనే బాగుంటుందని చిరంజీవికి మరియు నిర్మాత రామ్ చరణ్ కి డైరెక్టర్ సుజిత్ తెలపటంతో..ఈ పాత్రకు సంబంధించి డిస్కషన్ రాంచరణ్..విజయ్ దేవరకొండ తో చేసినట్లు ఖచ్చితంగా చేస్తాను అని విజయ్ అన్నట్లు ఫిలిం నగర్ టాక్. ప్రస్తుతం విజయ్ దేవరకొండ.. పూరి జగన్నాథ్ దర్శకత్వంలో ‘ఫైటర్’ అనే పాన్‌ ఇండియా సినిమా చేస్తున్నాడు. ఇటువంటి తరుణంలో చిరంజీవి పక్కన విజయ్ దేవరకొండ ‘లూసిఫర్’ లో చేస్తున్నట్లు వార్తలు వైరల్ అవుతున్న తరుణంలో, మెగా అభిమానులు..కాంబినేషన్ బాగుంటుంది. రియాలిటీ గా కన్ఫామ్ వార్తలు వస్తే ఇంకా బాగుంటుంది అని కామెంట్ చేస్తున్నారు.
