నందమూరి కళ్యాణ్ రామ్ హీరోగా తెరకెక్కిన ‘బింబిసార’ ఫ్రీ రిలీజ్ వేడుక హైదరాబాద్ శిల్పకళా వేదికలో అభిమానుల మధ్య అంగరంగ వైభవంగా జరిగింది. ఈ కార్యక్రమానికి యంగ్ టైగర్ ఎన్టీఆర్ ముఖ్యఅతిథిగా హాజరయ్యారు. ఈ సందర్భంగా ఎన్టీఆర్ మాట్లాడుతూ…’బింబిసార’ స్టోరీ ఫస్ట్ తానే విన్నట్లు తెలియజేశారు. వేణు వశిష్ట కొత్త డైరెక్టర్ కానీ ఆయన కథ చాలా బలమైంది. ఈ క్రమంలో అన్నయ్య కళ్యాణ్ రామ్.. ఒప్పుకున్నాక సినిమా జరుపుకుంటున్న రెండు సంవత్సరాలు ఎంతో భయపడ్డాను. ఎందుకంటే కొత్త డైరెక్టర్ పైగా చాలా స్ట్రాంగ్ కంటెంట్ ఉన్న స్టోరీ… ఎలా డీల్ చేస్తాడు అనే సందేహం.. రెండున్నర సంవత్సరాలు వచ్చింది.
ఇటీవల ‘బింబిసార’ ఔట్ పుట్ మొత్తం చూశాక .. వేణు వశిష్ట స్టోరీ చెప్పిన దానికంటే వెండితెరపై అద్భుతంగా చిత్రీకరించారు.భవిష్యత్తులో దర్శకుడు వశిష్ట నుంచి ఎన్ని గొప్ప చిత్రాలు రానున్నాయో చెప్పేందుకు బింబిసార ఒక ట్రైలర్ వంటిదని ఎన్టీఆర్ డైరెక్టర్ పై పొగడ్తల వర్షం కురిపించారు. ఈ సినిమాతో అన్నయ్య కళ్యాణ్ రామ్ మరోసారి నందమూరి అభిమానుల కాలరు ఎగరేసేలా చేస్తారు. ‘బింబిసార’ తరువాత ముందు అన్న రీతిలో కళ్యాణ్ రామ్ కెరియర్ గురించి మాట్లాడుకుంటారు. ‘బింబిసార’ చూశాక మీరు కూడా ఇదే వ్యాఖ్యలు చేస్తారు.
కచ్చితంగా అందరికీ నచ్చే ‘బింబిసార’ సినిమా. కళ్యాణ్ రామ్ కాకపోతే మరొకరు ‘బింబిసార’కి న్యాయం చేయలేరు. సినిమాలో చోటా కె నాయుడు పనితనం అద్భుతంగా కనిపించింది. ఇక సినిమా యూనిట్ అందరికీ టెక్నీషియన్లకు ఎన్టీఆర్ ఆల్ ది బెస్ట్ తెలియజేశారు. అభిమానులను ఉద్దేశించి మీకు నచ్చే వరకు చిత్రాలు చేస్తూనే ఉంటామని గతంలో చెప్పానని, మీకు నచ్చకపోతే మరొకటి, అది నచ్చకపోతే మరొకటి చేస్తూనే ఉంటామని.. మీ కాలర్ ఎగరేసేలా.. మంచి మంచి సినిమాలు చేస్తామని మాకున్న ఆస్తి మీరే అంటూ చివరిలో ఎన్టీఆర్ చాలా ఎమోషనల్ స్పీచ్ ఇచ్చారు.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!