Akhira Nandan: పవన్ కళ్యాణ్- రేణు దేశాయ్ కి పెళ్లి కాకముందే సహజీవనం చేస్తున్న సమయంలోనే అకీరానందన్ పుట్టడం తెలిసిందే. ఆ తర్వాత పెళ్లి చేసుకోవడం మరి కొన్ని సంవత్సరాలకు… అనుకోని కొన్ని అనివార్య కారణాలవల్ల పవన్ -రేణు దేశాయ్ ల ఇద్దరూ విడిపోవడం జరిగింది. కాగా వీరిద్దరు విడిపోయిన గాని పవన్ కళ్యాణ్ అడపాదడపా పిల్లలతో కలుస్తూ ఉంటారు. చాలావరకు అకీరానందన్ మరియు కూతురు ఆద్య పూణేలో రేణు దేశాయ్ సంరక్షణలోనే పెరుగుతున్నరు. అప్పుడప్పుడు మెగా కాంపౌండ్ ఫంక్షన్ లకు మరియు పవన్ కళ్యాణ్ దగ్గరికి హైదరాబాద్ కి వస్తూ ఉంటారు.
ఇదిలా ఉంటే ఏప్రిల్ ఎనిమిదో తారీకు అకీరానందన్ పుట్టిన రోజు నేపథ్యంలో…. రేణు దేశాయ్ సోషల్ మీడియాలో ఓ వీడియో పోస్ట్ చేసి.. బర్త్ డే విషెస్ తెలియజేయడం జరిగింది. బాక్సింగ్ కిట్ బ్యాగ్ నీ కొడుతూ ప్రాక్టీస్ చేస్తున్న అకిరా నందన్ వీడియో పోస్ట్ చేసి.. అతనిపై ఇటీవల వస్తున్న వార్తలకు రేణుదేశాయ్ క్లారిటీ ఇచ్చింది. అఖిరా నందన్… హీరోగా ఓ సినిమా చేయడానికి రెడీ అయినట్లు స్క్రిప్టు కూడా ఓకే అన్నట్లు ఇటీవల వార్తలు వచ్చాయి. అంతమాత్రమే కాదు అకీరా నందన్ ఆ ప్రాజెక్టుకు సంబంధించి అగ్రిమెంట్ కూడా చేసినట్లు… రెమ్యూన్ రేషన్ కూడా తీసుకున్నట్లు.. ఈ వార్తలు చక్కర్లు కొట్టాయి.
దీంతో వచ్చిన వార్తలపై రేణు దేశాయ్… అఖిరా నందన్ 18 వ బర్త్ డే విషెస్ చెబుతూనే క్లారిటీ ఇచ్చింది. “అకీరా నాకు మంచి కొడుకు అలాగే.. ఆద్యకు అద్భుతమైన సోదరుడు.. తన స్నేహితులకు గొప్ప స్నేహితుడు.. దయగలవాడు, నిజాయితీపరుడు.. జెంటిల్ మెన్. ఈరోజు తను పెద్దవాడైనందున తనకు అన్ని సంతోషాలు, శాంతి ఉండాలని కోరుకుంటున్నాను.. అకిరాకు మీరు అందించిన అన్ని అందమైన శుభాకాంక్షలు, ఆశీర్వాదాలకు ప్రతి ఒక్కరికీ ధన్యవాదాలు” అంటూ తన ఇన్ స్టా ఖాతాలో రాసుకొచ్చింది రేణు దేశాయ్. అంతేకాదు అకీరానందన్ కి యాక్టర్ అవ్వాలని లేదని కుండ బద్ధలు కొట్టింది. అంతేకాకుండా అతడు ఇప్పటివరకు ఏ సినిమాకు సంతకం చేయలేదని, దయచేసి పుకార్లను నమ్మవద్దని విజ్ఞప్తి చేసింది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!