Shruti Haasan: శ్రుతి హాసన్.. ఈమె గురించి పరిచయాలు అవసరం లేదు. సీనియర్ స్టార్ హీరో కమల్ హాసన్ కుమార్తెగా ఇండస్ట్రీలోకి అడుగు పెట్టినప్పటికీ.. ఈ ముద్దుగుమ్మ సొంత టాలెంట్తో తెలుగు, తమిళ్, హిందీ భాషల్లో తనకంటూ స్పెషల్ ఇమేజ్ను క్రియేట్ చేసుకుంది. ప్రస్తుతం టాలీవుడ్లో ఈ బ్యూటీ వరుస అవకాశాలతో దూసుకుపోతోంది.
ప్రస్తుతం శ్రుతి హాసన్ ప్రశాంత్ నీల్ దర్శకత్వంలో పాన్ ఇండియా స్టార్ ప్రభాస్కు జోడీగా `సలార్` చిత్రంలో నటిస్తోంది. శరవేగంగా షూటింగ్ జరుపుకుంటున్న ఈ చిత్రం వచ్చే ఏడాది విడుదల అయ్యే అవకాశాలు ఉన్నాయి. అలాగే మరోవైపు బాలయ్య హీరోగా గోపీచంద్ మలినేని తెరకెక్కిస్తున్న `ఎన్బీకే 107`లోనూ హీరోయిన్గా నటిస్తోంది.
ఇదిలా ఉంటే.. ప్రస్తుతం సక్సెస్ ఫుల్ హీరోయిన్గా సత్తా చాటుతున్న శ్రుతి హాసన్.. కెరీర్ స్టార్టింగ్లో వరుస ఫ్లాపులతో సతమతం అయింది. దాంతో ఆమెపై ఎన్నో ట్రోల్స్ కూడా చేశారు. అయితే తాజాగా ఓ ఇంటర్వ్యూలో పాల్గొన్న శ్రుతి హాసన్.. గతంతో తనపై జరిగిన ట్రోలింగ్ గురించి చెబుతూ ఆవేదన వ్యక్తం చేసింది. ఆమె మాట్లాడుతూ.. `టాలీవుడ్లో మొదట నన్ను ఐరన్ లెగ్గా పరిగణించారు. ఆ మాటలు నన్ను చాలా బాధ పెట్టాయి.
ముఖ్యంగా `ప్రేమమ్` సినిమాకు నాపై చేసిన ట్రోలింగ్ మరే హీరోయిన్ మీద జరిగి ఉండకపోవచ్చు. మలయాళంలో సాయిపల్లవి పోషించిన మలర్ పాత్రను తెలుగులో నేను చేశాను. అయితే సాయి పల్లవిలా కాకుండా నా స్టైల్లో నేను ఆ పాత్రను చేశా. దాంతో నన్ను విపరీతంగా ట్రోల్స్ చేశారు. అదృష్టం కొద్దీ ఆ సినిమా హిట్ అయింది. ఇక ట్రోల్స్ని పాజిటివ్గా తీసుకుంటే ఎన్నో విషయాలు తెలుస్తాయి. అలాగే ఒకరితో మనల్ని మనం ఎప్పుడూ పోల్చుకోకూడదు.` అంటూ చెప్పుకొచ్చింది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!