Shani Dev: శని దేవుడి పేరు చెప్పడానికి కూడా భయపడుతున్నారా ?అయితే ఆయన ఇచ్చే శుభఫలితాల గురించి కూడా తెలుసుకోండి!!
త్రయోదశి శనివారం తో కూడి ఉన్న రోజున శని గ్రహాన్ని శనీశ్వరుడు గా సంబోధించి పరమశివుడు వరం ఇచ్చాడని అంటారు.
శనికి చాలా ఇష్టమైన రోజు శని త్రయోదశి.. ఆ రోజు పూజించినవారికి దోషాలను పోగొట్టి మానవుడు కోరుకున్న కోరికలు తీర్చి మంచి ఫలితాలను కలుగ చేస్తాడు.
శని త్రయోదశి ఉదయాన్నే నువ్వుల నూనెతో ఒళ్ళంతా మర్దన చేసుకుని తలస్నానం చేయాలి.ఈరోజు మద్య,మాంసాలు ముట్టకుండా నియమాలు పాటించాలి.వీలైన వారు శివార్చన తామే స్వయంగా చేస్తే మంచి ఫలితం ఉంటుంది.
శని గ్రహ స్థాన దోషాల వలన బాధలు పడుతున్నవారు
నీలాంజన సమాభాసం అనే స్తోత్రాన్ని వీలైనన్ని ఎక్కువ సార్లు జపిస్తే మంచి ప్రయోజనం ఉంటుంది .
ఏ పని చేస్తున్నా వీలైనంత వరకు మౌనంగా ఉంటూ దైవ చింతన తో ఉండాలి.
ప్రతి జీవి లో ను దేవున్ని చూడగలగాలి.ఎవరితోను వాదనకు దిగే ప్రయత్నం చేయకూడదు. రోజు ఆకలితో ఉన్న వారికి, పశు పక్షాది జీవులకు భోజనం మూగ జీవులకు ఆహారం గ్రాసలను, నీటిని పెడితే అన్ని విధాలా మంచిది.
బెల్లంతో చేసిన రొట్టెల ను నువ్వుల నూనే తో కాల్చి చిన్న చిన్న ముక్కలు గా చేసి కాకులకు ఆహారంగా వేయాలి.అనాధలకు, అవిటి వారికి, పేద వితంతువులకు, పేద వృద్ధులకు ఏదో రూపం గా సహాయం చేస్తుండాలి.ప్రతి రోజు తలిదండ్రులకు పాద నమస్కారం చేసుకోవాలి.
ఇలాంటివి అన్ని చేస్తే,భగవానుడు పూర్తి స్థాయి మేలు చేసి ఉన్నత స్థానంలో నిలబెడతాడు అని పురాణ కథనం తెలియచేస్తున్నాయి.
