Snigdha: న‌టి స్నిగ్ధ గురించి కొత్త‌గా ప‌రిచ‌యాలు అక్క‌ర్లేదు. రాజమండ్రి జ‌న్మించిన స్నిగ్ధ.. ఏలూరు లోని సి.ఆర్ రెడ్డి కళాశాలలో ఎం.బి.ఎ చ‌దువుకుంది. స్ట‌డీస్ కంప్లీట్ అయ్యాక హైదరాబాదులోని లాజికల్ బైట్స్ లో హెచ్.ఆర్ మేనేజరుగా కెరీర్ ప్రారంభించింది. ఈ కార్య‌క్ర‌మంలోనే స్నిగ్ధను చూసిన లేడీ డైరెక్ట‌ర్ నందినీ రెడ్డి.. ఆమె త‌న `అలా మొద‌లైంది` చిత్రంలో అవ‌కాశం ఇచ్చింది. ఈ చిత్రంలో పింకీ పాత్రలో అల‌రించింది. అమ్మాయి అయినా కూడా అబ్బాయి వేషాదార‌ణ‌లో క‌నిపిస్తూ స్నిగ్ధ ఇండ‌స్ట్రీలో త‌న‌కంటూ ప్ర‌త్యేక‌మైన గుర్తింపు సంపాదించుకుంది.
మేం వయసుకు వచ్చాం, రొటీన్ లవ్ స్టోరీ, ద‌మ్ము, టైగ‌ర్‌, ఒక్కడినే, గుంటూర్ టాకీస్, కల్యాణ వైభోగమేతో స‌హా ఎన్నో చిత్రాల్లో స్నిగ్ధ న‌టించింది. అలాగే బుల్లితెర‌పై సూపర్ క్వీన్ అనే షోలో పార్టిసిపేట్ చేసి టైటిల్ గెలుచుకుంది. అంతేకాకుండా సింగర్‌గానూ రాణిస్తోంది. ఇప్ప‌టికే పలు షోస్‌లో పాల్గొని మంచి సింగర్‌గా నిరూపించుకుంది. ప్రొఫెష‌న‌ల్ లైఫ్ లో సూపర్ స‌క్సెస్ అయిన స్నిగ్ధ.. ప‌ర్స‌న‌ల్ లైఫ్‌లో మాత్రం బాగా వెన‌క‌ప‌డింది.
43 ఏళ్లు దాటినా కూడా ఇంకా పెళ్లి చేసుకోకుకుండా ఒంటరి జీవితాన్ని గ‌డుపుతోంది. అయితే ఏజ్ బార్ అవుతున్నా ఇంకా మ్యారేజ్ చేసుకోక‌పోవ‌డానికి కార‌ణం ఏంటో స్నిగ్ధ తాజాగా ఓ ఇంట‌ర్వ్యూలో వివ‌రించింది. తనకు పెళ్లిపై నమ్మకం లేదని, పెళ్లి చేసుకోవాలనే ఫీలింగ్ తనకు ఎప్పుడూ కలగలేదని స్నిగ్ధ పేర్కొంది. పెళ్లి చేసుకుంటే తాను మరొకరి ఆధీనంలోకి వెళ్ళిపోతాన‌ని, అందుకే మ్యారేజ్ చేసుకోవడం తనకు ఇష్టం లేదని స్నిగ్ధ వెల్ల‌డించింది.
అలాగే వివాహం చేసుకొని ఆ తర్వాత పిల్లలు కని లైఫ్ మొత్తం వారి చుట్టూ తిరిగే బదులు.. హాయిగా సంపాదించిన దాంట్లో కొంత మనకోసం, కొంత అనాధశ్రమాల కోసం ఖర్చు పెట్టడమే బెటర్ అనిపించింది. అప్పుడు తాను హ్యాపీ, ఆ పిల్లలు కూడా బాగుపడతారు. ప్రస్తుతం తాను అలాంటి పనే చేస్తున్నానంటూ స్నిగ్ధ పేర్కొంది. ఇక‌పోతే గ‌తంలో ఓ కార్యక్రమంలో చిన్న వ‌య‌సులో తనకు ఎదురైన చేదు అభ‌వాన్ని బయటపెట్టింది. ఐదో తరగతిలో ఉన్న‌ప్పుడు ఆడుకోవడానికి ఇందిరా పార్క్‌లో వెళ్తే ఒకడు చెయ్యి ప‌ట్టుకుని పక్కకు లాక్కెళ్లాడ‌ని.. ఆ ఘ‌ట‌న త‌న‌ను చాలా కాలం భ‌య‌పెట్టింద‌ని స్నిగ్ధ పేర్కొంది. భరిస్తున్నంత కాలం ఇలాంటివి జరుగుతూనే ఉంటాయ‌ని.. ప్ర‌తి అమ్మాయి ఎదురుతిరగాల‌ని స్నిగ్ధ తెలిపింది.