Trivikram: ప్రస్తుతం ఉన్న త్రివిక్రమ్ మరియు గతంలో ఉన్న త్రివిక్రమ్ ఒకరు కాదు. ఒకప్పుడు ఆయన చేసే పని మరియు రాసే కథలు చెప్పిన డైలాగులు ఒక ఎత్తు. ఇక ఇప్పుడు రాసే రాతలు మరో ఎత్తు. నిజానికి డైరెక్టర్లకి కూడా అభిమానులు ఏర్పడతారా అనేది గురూజీ నిరూపించారు. సినిమా ఆధారంగా ఆయన చెప్పే జీవిత అంశాలకి ప్రతి ఒక్కరు ఫిదా అవుతారు. అదేవిధంగా స్టేజ్ పై ఆయన ఇచ్చే స్పీచ్ లు ఆధారంగా ఎంతోమంది ఇన్స్పైర్ అవుతారు. ఎప్పుడెప్పుడు గురూజీ సినిమా వస్తుందా అని ఎదురు చూసేవారు. కానీ ప్రస్తుతం మాత్రం ఎలాంటి కథలు రాస్తున్నాడో అని భయపడుతున్నారు.
ఆ విధంగా మారాడు మరి త్రివిక్రమ్. ఒకప్పుడు త్రివిక్రమ్ కథను వర్ణించేందుకు మరే డైరెక్టర్ సరిపోయే వాడు కాదు. కానీ ఇప్పుడు త్రివిక్రమ్ రాతలని చూసి ప్రతి ఒక్క డైరెక్టర్ విరుచుకు పడుతున్నాడు. గురూజీ డైరెక్ట్ చేసిన మొట్టమొదటి మూవీ..నువ్వే నువ్వే.. ఎంతటి విజయవంతం అయ్యిందో మనందరికీ తెలిసిందే. అప్పట్లో త్రివిక్రమ్ ఒక సినిమా కథ రాయడానికి తన సాయిశక్తుల ప్రయత్నించేవాడు. అదేవిధంగా తన మాటలతో ప్రతి ఒక్కరిని ఆకర్షించేవాడు.
కానీ ప్రస్తుత కాలంలో సినిమాలో స్టోరీ ఉండకపోవడమే కాకుండా ఆయనకి మంచి పేరు తెచ్చి పెట్టిన ఆ మాటలని కూడా పాడు చేసేసాడు. రామాయణం గురించి ఎవరైనా గొప్పగా వర్ణిస్తారు అంటే అది త్రివిక్రమే అని చెప్పొచ్చు. ఎంతో గొప్ప గొప్ప డైలాగులతో వర్ణించేవాడు త్రివిక్రమ్. కానీ ప్రస్తుత కాలంలో త్రివిక్రమ్ కి ఏమయిందో తెలియదు కానీ తనకి చేతికి వచ్చిన రాతలు రాసేస్తూ తనకున్న పేరు మొత్తం తీసేసుకుంటున్నాడు. ఇటీవలే గుంటూరు కారం సినిమాతో ప్రేక్షకుల ముందుకి వచ్చి భారీ డిజాస్టర్ ని వెలుగు చూశాడు. నిజానికి గతంలో త్రివిక్రమ్ ఖాతాలో ఫ్లాప్ లు పడినప్పటికీ అందులో ఉన్న మాటలతో మాత్రం ప్రతి ఒక్క ప్రేక్షకుడిని ఆకట్టుకునేవాడు.
కానీ మొన్న వచ్చిన గుంటూరు కారంలో మాత్రం అటు మాటలు లేవు ఇటు కథ లేదు. దీంతో గురూజీ అభిమానులు చాలా హర్ట్ అయ్యారు. అప్పుడేమో చుక్కల్లో చంద్రుడు లాగా.. డైరెక్టర్లు అందరిలో చంద్రుడు లాగా మెరిసే వాడు. కానీ ఇప్పుడు మాత్రం ఆ చంద్రుడు ప్లేస్ ని మరో డైరెక్టర్ రీప్లేస్ చేస్తే త్రివిక్రమ్ మాత్రం ఓ చిన్న చుక్కగానే మిగిలిపోయాడు. మరి రానున్న రోజుల్లో త్రివిక్రమ్ ఏమైనా తన రైటింగ్లో మార్పు తెచ్చి పాత త్రివిక్రమ్ ని చూపిస్తాడో లేదో చూడాలి మరి…అంటూ కామెంట్స్ చేస్తున్నారు.
Shyamala: అప్పుడు పవనిజం.. ఇప్పుడు జగనిజం… ఏంటి శ్యామల ఇది..?