Salaar: నేటి నుండి ప్రభాస్ “సలార్” ఇంగ్లీష్ వర్షన్ నెట్ ఫ్లిక్స్ ఓటిటిలో స్ట్రీమింగ్ అవుతుంది. గత నెల 20 నుంచి తెలుగు, తమిళ, మలయాళం, కన్నడ, హిందీ భాషల్లో నెట్ ఫ్లిక్స్ ఓటిటిలో స్ట్రీమింగ్ కావటం తెలిసిందే. కాగా నేటి నుండి ఫిబ్రవరి 5వ తారీఖు నుండి ఇంగ్లీష్ వర్షన్ లో అందుబాటులోకి రావడం జరిగింది. గత ఏడాది డిసెంబర్ 22వ తారీకు విడుదలైన “సలార్” 700 కోట్లకు పైగానే కలెక్షన్ సాధించింది. వరుస పరాజయాలలో ఉన్న ప్రభాస్ ఈ సినిమాతో మంచి హిట్ అందుకోవటం జరిగింది. డైరెక్టర్ ప్రశాంత్ నీల్ దర్శకత్వంలో తెరకెక్కిన ఈ చిత్రం ప్రభాస్ అభిమానులను ఎంతగానో ఆకట్టుకుంది. “బాహుబలి 2” తర్వాత మళ్లీ ఆ స్థాయిలో విజయం సాధించటం జరిగింది.
ఇంగ్లీష్ వర్షన్ డబ్బింగ్ కూడా చాలా బాగా కేర్ తీసుకుని చేశారు. మొత్తం అవుట్ పుట్ అద్భుతంగా రావటం జరిగిందని వీక్షకులు తెలియజేస్తున్నారు. ఫ్రెండ్షిప్ నేపథ్యంలో తెరకెక్కిన ఈ చిత్రంలో ప్రభాస్ స్నేహితుడి పాత్రలో మలయాళ నటుడు పృధ్వీరాజ్ సుకుమారన్ నటించారు. శృతిహాసన్ హీరోయిన్ గా నటించింది. మొదటి భాగం సూపర్ హిట్ కావడంతో రెండో భాగం కోసం ప్రభాస్ ఫ్యాన్స్ ఎదురుచూస్తున్నారు. వాస్తవానికి మొదటి భాగం గత ఏడాది సెప్టెంబర్ నెలలో విడుదల కావాలి. కానీ ఆ సమయంలో గ్రాఫిక్స్ వర్క్ కంప్లీట్ కాకపోవడంతో రిలీజ్ డిసెంబర్ కి వాయిదా పడటం జరిగింది.
ఇదిలా ఉంటే ఈ వేసవికాలం నుండి “సలార్” రెండో భాగం షూటింగ్ స్టార్ట్ చేయడానికి సన్నాహాలు చేస్తున్నారు అని అంటున్నారు. “సలార్” తర్వాత ఎన్టీఆర్ తో సినిమా చేయాలని డైరెక్టర్ ప్రశాంత్ నీల్ భావించారు. కానీ అనూహ్యంగా “దేవర” షూటింగ్ కంప్లీట్ కాకపోవడంతో.. ప్రశాంత్ నీల్ ప్లాన్ మార్చుకోవడం జరిగిందంట. ప్రభాస్ “సలార్” సినిమా మొదలు పెట్టాలని డిసైడ్ అయినట్లు వార్తలు వినిపిస్తున్నాయి.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!