Kalki 2898 AD: తెలుగు చలనచిత్ర పరిశ్రమలో టాప్ మోస్ట్ బ్యానర్లలో ఒకటి వైజయంతి మూవీస్ బ్యానర్. ఈ బ్యానర్ లో తెలుగులో అప్పటి టాప్ మోస్ట్ హీరోలు ఎన్టీఆర్, చిరంజీవి తరం నుండి ప్రజెంట్ యంగ్ జనరేషన్ తరం వరకు..అనేక సినిమాలు నిర్మిస్తున్నారు. ఈ బ్యానర్ లో అగ్నిపర్వతం, జగదేకవీరుడు అతిలోకసుందరి, ఇంద్ర అంటే ఇండస్ట్రీ హిట్ సినిమాలు నిర్మించడం జరిగింది. ప్రస్తుతం యంగ్ రెబల్ స్టార్ ప్రభాస్ తో “కల్కి 2898 AD” చేస్తున్నారు. సైన్స్ ఫిక్షన్ నేపథ్యంలో ఈ సినిమా షూటింగ్ జరుగుతోంది. ఈ సినిమాలో అమితాబ్, దీపికా పదుకొనే, దిశా పటాని నటిస్తున్నారు. నాగ్ అశ్విన్ దర్శకత్వంలో ఈ సినిమా చిత్రీకరణ జరుపుకుంటుంది.
ఈ సినిమా జనవరి నెలలోనే విడుదల కావాల్సింది. కొన్ని నెలల క్రితం జనవరి 24వ తారీఖు “కల్కి 2898 AD” విడుదల చేస్తున్నట్లు అధికారిక ప్రకటన కూడా చేయడం జరిగింది. కానీ సినిమా షూటింగ్ ఆలస్యం కావడంతో ముందు ప్రకటించిన తేదీకి సినిమా విడుదల కావడం లేదు. కానీ లేటెస్ట్ గా మాత్రం వైజయంతి మూవీస్ బ్యానర్ లక్కీ తేదీ నాడు “కల్కి 2898 AD” రిలీజ్ చేయాలని మేకర్స్ ప్లాన్ చేశారంట. ఆ తేదీ మరేదో కాదు జగదేకవీరుడు అతిలోకసుందరి, మహానటి, మహర్షి లాంటి సినిమాలు విడుదలై అనేక రికార్డులు సృష్టించిన మే 9వ తారీకు నాడు ఈ సినిమా విడుదలకు ముహూర్తం ఫిక్స్ చేసినట్లు టాక్.
ఈ విషయాన్ని అధికారికంగా సంక్రాంతి పండుగ సమయంలో మేకర్స్ ప్రకటించడానికి సిద్ధమైనట్లు వార్తలు వస్తున్నాయి. భారతీయ చలనచిత్ర రంగంలో ఇప్పటివరకు ఎవరు టచ్ చేయని జోనర్ లో “కల్కి 2898 AD” స్క్రిప్ట్ డిజైన్ చేసినట్లు టాక్. సూపర్ హీరోస్ నేపథ్యంలో వచ్చే ఈ సినిమాలో ప్రతి ఆయుధం ప్రత్యేకంగా డిజైన్ చేయించడం జరిగిందట. ఈ సినిమాలో వాడే ప్రతి వస్తువుకు చాలా హోం వర్క్ చేయాల్సి రావడంతో అనుకున్న సమయం కంటే సినిమా లేట్ గా విడుదలవుతున్నట్లు ఇటీవల దర్శకుడు నాగ్ అశ్విన్ స్పష్టం చేశారు. ఏది ఏమైనా “సలార్” హిట్ తో మంచి జోరు మీద ఉన్న ప్రభాస్..”కల్కి 2898 AD”తో కూడా హిట్ అందుకోవడం గ్యారెంటీ అని అంటున్నారు.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!