Ram Pothineni: ఒక్క పాట‌తో 10 కోట్లు.. హీరో రామ్ అస్స‌లు త‌గ్గ‌ట్లేదుగా!

Ram Pothineni: `ఇస్మార్ట్ శంక‌ర్‌`తో మాస్ హీరోగా గుర్తింపు పొందిన టాలీవుడ్ ఎన‌ర్జిటిక్ స్టార్ రామ్ పోతినేని.. అదే ఇమేజ్‌ను కంటిన్యూ చేసేందుకు మ‌రో మాస్ ఎంట‌ర్టైన‌ర్‌తో ప్రేక్ష‌కుల ముందుకు వ‌చ్చేందుకు సిద్ధం అవుతున్నాడు. అదే `ది వారియ‌ర్‌`. తమిళ అగ్ర దర్శకుడు లింగుస్వామి తెర‌కెక్కిస్తున్న ఈ చిత్రంలో కృతి శెట్టి హీరోయిన్‌గా న‌టించింది.

రామ్ త‌న కెరీర్‌లో తొలిసారి పోలీస్ ఆఫీస‌ర్‌గా చేస్తున్న చిత్ర‌మిది. ఇందులో ఆయ‌న ఐపీఎస్ సత్యగా అల‌రించ‌బోతున్నారు. పవన్ కుమార్ సమర్పణలో శ్రీనివాసా సిల్వ‌ర్ స్క్రీన్ బ్యాన‌ర్‌పై శ్రీనివాసా చిట్టూరి నిర్మిస్తున్న ఈ చిత్రం.. జూలై 14న ప్రపంచవ్యాప్తంగా తెలుగు, తమిళ భాషల్లో భారీ ఎత్తున విడుదల కాబోతోంది. ఇప్ప‌టికే విడుద‌లైన పోస్ట‌ర్స్, సాంగ్స్‌, గ్లింప్స్‌, టీజ‌ర్ సినిమాపై మంచి అంచ‌నాల‌ను క్రియేట్ చేశారు.

• Read the latest news from NEWSORBIT
• Follow us on facebook , Twitter , instagram and Googlenews

ముఖ్యంగా మొన్నా మ‌ధ్య ఈ సినిమా నుంచి బ‌య‌ట‌కు వ‌చ్చిన `బుల్లెట్‌..` సాంగ్ ఎంత పాపుల‌ర్ అయిందో తెలిసిందే. ఇప్ప‌టికీ యూట్యూబ్‌లో ట్రెండ్ అవుతోన్న ఈ సాంగ్‌.. తాజాగా క్రేజీ ఫీట్‌ను అందుకుంది. తెలుగు, తమిళ భాషల్లో విడుదలైన ఈ పాట 100 మిలియన్‌ క్లబ్‌లోకి చేరింది. ఈ విషయాన్ని సోషల్‌ మీడియా వేదికగా చిత్రబృందం అధికారికంగా తెలిపింది.

`కమ్‌ ఆన్‌ బేబీ లెట్స్‌ గో ఆన్‌ ది బుల్లెటు..` అంటూ సాగే ఈ సాంగ్ కు శ్రీ మ‌ణి సాహిత్యం అందించ‌గా.. త‌మిళ స్టార్ శింబు ఆలపించారు. అలాగే దేవి శ్రీ ప్ర‌సాద్ స్వ‌రాలు స‌మ‌కూర్చారు. రూ. 3 కోట్ల బ‌డ్జెట్‌తో రూపుదిద్దుకున్న ఈ సాంగ్‌.. విడుద‌లై రెండు నెల‌లు గ‌డ‌వ‌క ముందే 10 కోట్ల వ్యూస్‌ను సొంతం చేసుకుందంటే రామ్ మ్యానియా ఏంటో మ‌రోసారి స్ప‌ష్ట‌మైంది.

#BulletSong Spark Causing the Wildfire on YouTube 💥

Continues to make whole India groove with 100 Million+ Views 🕺💃

Telugu: https://t.co/XiPpHzsESj
Tamil: https://t.co/amuQsznXC2@ramsayz @SilambarasanTR_ @AadhiOfficial @dirlingusamy @ThisisDSP @IamKrithiShetty @SS_Screens pic.twitter.com/HU9lVFA1Z1

— Srinivasaa Silver Screen (@SS_Screens) June 15, 2022

kavya N

See Full Bio