Vaishnavi Chaitanya: ప్రపంచ సినిమా రంగంలో తెలుగు సినిమా రంగానికి ప్రత్యేకమైన గుర్తింపు ఇటీవల లభించింది. బాహుబలి 2, RRR, పుష్ప సినిమాలు టాలీవుడ్ స్థాయిని పెంచేసాయి. ఇక ఇదే సమయంలో “పుష్ప” సినిమాకి గాను అల్లు అర్జున్ ఉత్తమ జాతీయ నటుడు అవార్డు అందుకోవటం.. టాలీవుడ్ కీర్తిని చాటేటట్టు చేసింది. దీంతో తెలుగు వాళ్ల టాలెంట్ కి బాగా ప్రాధాన్యత పెరిగింది. ఒకప్పుడు టాలీవుడ్ ఇండస్ట్రీలో సినిమా హీరోయిన్స్ విషయంలో.. ఉత్తరాది భామల పైన ఎక్కువగా ఆధారపడే వాళ్ళు. కానీ ఇటీవల రెండు సంవత్సరాల నుండి పరిస్థితి మారింది. చాలా వరకు లోకల్ అమ్మాయిలు సత్తా చాటుతున్నారు. ఈ రకంగా చూసుకుంటే ప్రస్తుతం శ్రీలీలకి పెద్ద పెద్ద సినిమాలు పడుతున్నాయి. అగ్ర హీరోలు మహేష్ బాబు, పవన్ కళ్యాణ్ లాంటి వారితో ప్రస్తుతం నటిస్తోంది.
ఇక ఇదే రకంగా తెలుగు అమ్మాయి వైష్ణవి చైతన్య కూడా సత్తా చాటుతూ ఉంది. “బేబీ” సినిమా వైష్ణవి చైతన్య తలరాతను మార్చేసింది. ఈ సినిమాలో ఆమె నెగటివ్ గా కనిపించినా గానీ నటనపరంగా అందరిని ఆకట్టుకుంది. “బేబీ” సినిమా చూసి ఐకాన్ స్టార్ బన్నీ.. తెలుగులో ఈ రకంగా వైష్ణవి చైతన్య మాదిరిగా అందరూ రాణించాలి అని ప్రత్యేకించి అభినందించారు. లోకల్ టాలెంట్ నీ సపోర్ట్ చేయడానికి ఇండస్ట్రీ రెడీగా ఉందని కూడా సంచలన ప్రకటన చేశారు. దీంతో వైష్ణవి చైతన్యకి భారీగా పెద్ద పెద్ద సినిమాల ఆఫర్స్ వస్తున్నట్లు ఇటీవల ప్రచారం జరిగింది. కానీ ప్రజెంట్ పరిస్థితి చూస్తే వైష్ణవి చైతన్య చేతిలో ఒక్క సినిమా మాత్రమే ఉంది. ఈ క్రమంలో ఆమెకు సంబంధించిన వార్త సోషల్ మీడియాలో వైరల్ అవుతుంది. విషయంలోకి వెళ్తే వైష్ణవి చైతన్య.. ఆ ప్రముఖ హీరో సినిమాలో ఐటమ్ సాంగ్ చేయడానికి రెడీ అయినట్లు ఆ వార్త యొక్క సారాంశం. ఆ హీరో మరెవరో కాదు ఎనర్జిటిక్ స్టార్ హీరో రామ్ పోతినేని.
ప్రస్తుతం డాషింగ్ డైరెక్టర్ పూరి దర్శకత్వంలో “డబుల్ ఇస్మార్ట్” అనే సినిమా చేస్తున్నారు. అయితే ఈ సినిమాలో వైష్ణవి ఐటెం సాంగ్ చేయడానికి ఒప్పుకున్నట్లు ఇండస్ట్రీలో వార్తలు వస్తున్నాయి. వాస్తవానికి ఈ సినిమాలో ఆమెను సెకండ్ హీరోయిన్ గా తీసుకోవడానికి పూరి జగన్నాథ్ ఆలోచన చేస్తున్నట్లు అప్పట్లో వార్తలు వచ్చాయి. కానీ తాజాగా ఆమెను ఐటెం సాంగ్ లో చూపించబోతున్నారట. కాగా ఈ ఐటెం సాంగ్ చేయడానికి వైష్ణవికి ఇష్టం లేకపోయినా “బేబీ” సినిమా దర్శకుడు సాయి రాజేష్.. దగ్గరుండి బలవంతంగా ఒప్పించి మరి సైన్ చేయించాడని వార్తలు వినిపిస్తున్నాయి. ఈ వార్తలపై వైష్ణవి చైతన్య అభిమానులు మండిపడుతున్నారు. ఒక స్టార్ హీరోయిన్ స్టేటస్ సంపాదించే టాలెంట్ ఉన్న అమ్మాయిని.. అలా ఐటెం సాంగ్ కి ఒప్పించడం అన్యాయమని అంటున్నారు. వైష్ణవి చైతన్య హీరోయిన్ సత్తా చాటే కంటెంట్ కలిగిన అమ్మాయి. అలాంటి అమ్మాయిని ఐటెం సాంగ్ లకు ఒప్పించటం దుర్మార్గమని.. తాజా వార్తలు పై ఆమె అభిమానులు మండిపడుతున్నారు.