Milk: పాలు ఆరోగ్యానికి మంచిదనే విషయం అందరికి తెలిసిందే.. మన శరీరానికి కావాల్సిన అనేక రకాల పోషకాలను అందిస్తుంది.. మీకు పాలు తాగే అలవాటు లేకపోయినా కనీసం రోజులో ఒక్కసారైనా పాలను తాగాలి.. ఉదయం పూట పాలు తాగేకంటే రాత్రిపూట పాలు తాగితే చాలా మంచిది అంటున్నారు ఆయుర్వేద నిపుణులు.. రాత్రి వేళలో ఎటువంటి ప్రయోజనాలు కలుగుతాయో ఇప్పుడు తెలుసుకుందాం..!
ఆయుర్వేదం ప్రకారం సాయంత్రం నుంచి నిద్రపోయే వరకు పాలు తాగి ఎందుకు ఉత్తమమైన సమయం. ఉదయం తీసుకునే పాలు జీర్ణం కావటానికి కాస్త సమయం ఎక్కువ పడుతుంది. అంతేకాకుండా ఎక్కువ శక్తిని కోల్పోవలసి వస్తుంది. దాని వలన నీరసం కూడా వస్తుంది. అందువలన రాత్రిపూట పాలు తాగడం ఉత్తమం అంటున్నారు ఆయుర్వేద నిపుణులు.
పాలలో అశ్వగంధ పొడిని కలిపి తాగితే చక్కటి నిద్ర వస్తుంది. జ్ఞాపక శక్తి పెరుగుతుంది. రాత్రిపూట పాలు తీసుకోవడం వల్ల అందం, ఆరోగ్యం కూడా లభిస్తుంది. పాలలో మత్తును కలిగించే గుణాలు ఉన్నాయి. అందువలన నిద్రపోయే ముందు పాలు తాగితే ప్రశాంతమైన నిద్ర పడుతుంది. పాలలోని సెరోటోనిన్ కంటెంట్ మంచి నిద్ర కు ప్రేరేపిస్తుంది. పాలలో ఉండే కాల్షియం సులభంగా గ్రహించడానికి రాత్రిపూట పాలు తాగాలి. ఎందుకంటే ఆ సమయంలో మనం తక్కువగా పనులు చేస్తాం కాబట్టి. అంతేకాకుండా ఎముకలు దృఢంగా చేస్తుంది. జీర్ణవ్యవస్థను మెరుగుపరుస్తుంది. మలబద్దకం ను నివారిస్తుంది. ఒత్తిడిని తగ్గిస్తుంది.