Night Sweats: ప్రతి ఒక్కరిలో చెమటలు పట్టడం సహజం.. సాధారణంగా శారీరక శ్రమ వలన, ఎక్కువ ఉష్ణోగ్రత వలన పగటిపూట చెమటలు పడతాయి.. శారీరక శ్రమ లేకపోయిన రాత్రి పూట చమటలు పడుతున్నాయా..!? ముఖ్యంగా గాఢ నిద్రలో ఉన్నప్పుడు కూడా చెమటలు పడుతున్నాయా.!? అయితే కచ్చితంగా అనుమానించాల్సిందే అంటున్నారు ఆరోగ్య నిపుణులు..!! అలా రాత్రి నిద్రలో చెమటలు పడితే ఏ అనారోగ్య సమస్యలకు సంకేతమో ఇప్పుడు తెలుసుకుందాం..!!
మెనోపాజ్ దశలో ఉన్న మహిళల్లో రాత్రుల్లో చెమటలు అధికంగా పడతాయి. 70 శాతం కంటే ఎక్కువ మెనోపాజ్ మహిళల్లో చెమటలు ఎక్కువగా పడతాయి. రాత్రుల్లో చెమటలు పట్టడానికి ముఖ్యమైన కారణం లింపోమా.. లివర్ క్యాన్సర్, బోన్ క్యాన్సర్ కు కు ప్రారంభ సంకేతం ఇది. లింపోమా సమస్య ఉన్నవారిలో రాత్రులు చెమట పట్టడం, సడన్ గా బరువు తగ్గడం, జ్వరం రావడం వంటి లక్షణాలు వైద్యులు గుర్తించారు. ఇంకా వర్కౌట్స్ ఎక్కువగా చేయడం వలన కూడా రాత్రి నిద్రలో చెమటలు పడతాయి.
మీకు టీబి వచ్చిన రాత్రిపూట చెమటలు పడతాయి. ఈ వ్యాధి ఎక్కువగా ప్రభావితం అయ్యేది ఊపిరితిత్తుల పైనే. గ్యాస్ సమస్య వల్ల కూడా చెమటలు పడతాయి. వాస్తవానికి నిద్రిస్తున్నప్పుడు ఆహార గొట్టం లో తయారైన యాసిడ్ కడుపులో పేరుకుపోతుంది. దీనివల్ల ఛాతీలో మంట, చెమటలు వస్తాయి. హార్మోన్ డిజార్డర్స్ కారణంగా చెమటలు అధికంగా పడతాయి. హైపో గ్లికామియా బ్లడ్ షుగర్ కారణంగా మధ్యరాత్రిలో నిద్రలేవడం, విపరీతమైన తలనొప్పి, రాత్రి నిద్రలో చెమటలు పట్టడం అధికంగా ఉంటుంది. పురుషుల్లో కూడా రాత్రుల్లో అధికంగా చెమటలు పడుతుంటాయి. అందుకు టెస్టోస్టెరాన్ హార్మోన్ కారణం. హెచ్ఐవి ఎయిడ్స్ లాంటి సమస్యలు ఉన్నవారిలో రాత్రులు చెమటలు పడతాయి. బ్రెయిన్, నాడీ వ్యవస్థకు సంబంధించిన డిజార్డర్స్ ఏమైనా ఉన్నాకూడా నిద్రలో చెమటలు పడతాయి. అందువలన మీకు రాత్రి నిద్ర లో చెమటలు పడితే వెంటనే వైద్యులను సంప్రదించి తగిన జాగ్రత్తలు తీసుకోవడం మంచిది.