Energy Drink: ఈ రోజుల్లో ఎక్కువ మందికి శక్తి లోపం గా ఉంది.. కాస్త పనిచేయగానే నీరసం, నిస్సత్తువ, అలసట ఏర్పడుతున్నాయి.. ఎంత తిన్నా కూడా కాసేపటి తరువాత నీరసం వస్తుందా..!? అయితే ఈ వంటింటి చిట్కాను ట్రై చేయండి..
ఈ చిట్కా కోసం రెండు స్పూన్ల నెయ్యి, ఒక కప్పు తామర గింజలు, ఒక కప్పు బాదంపప్పు, పావు కప్పు జీడిపప్పు, పావు కప్పు పిస్తా పప్పు, పావు కప్పు వాల్ నట్స్, రెండు చెంచాలు నువ్వులు, రెండు చెంచాలు ఎండుకొబ్బరి అవసరం. ముందుగా ఒక బండి తీసుకుని ఒక చెంచా నెయ్యి వేసి తామర గింజలు వేయించి పక్కన పెట్టుకోవాలి తర్వాత ఒక స్పూన్ నెయ్యి వేసి పైన చెప్పుకున్న పదార్థాలన్నింటినీ వేసి వేయించాలి ఇప్పుడు వీటన్నింటినీ కలిపి మిక్సి పట్టాలి. ఈ పొడిలో అరచెంచా పసుపు, సగం చెంచా మిరియాల పొడి వేసి కలపాలి. ఇలా తయారు చేసుకున్న పొడిని ఒక గాజు సీసాలో నిల్వ చేసుకోవాలి.
Read More: Weight Loss: బరువు తగ్గాలనుకొనే వారు ఇది ఒక్కటి తింటే చాలు..!!
ఇప్పుడు ఒక గ్లాస్ పాలు తీసుకొని బాగా మరిగించాలి. ఇందులో ముందుగా సిద్ధం చేసుకున్న పొడిని వేసి మరో రెండు నిమిషాల పాటు మరిగించాలి. ఇప్పుడు ఇలా తయారు చేసుకున్న పాలలో ఒక స్పూను బెల్లం పొడిని వేసి కలుపుకోవాలి. ఈ పాలను ప్రతిరోజు గోరువెచ్చగా తాగాలి. ఉదయం బ్రేక్ ఫాస్ట్ కు ముందు ఈ పాలు తాగితే శరీరంలో అలసట, నీరసం, నిస్సత్తువ, బలహీనత తగ్గి తక్షణ శక్తిని అందిస్తుంది. ఆ రోజంతా యాక్టివ్ గా ఉండేలా చేస్తుంది. అనేక దీర్ఘకాలిక సమస్యల నుంచి ఉపశమనం అందిస్తుంది.