మనుషులు ఆరోగ్యవంతమైన జీవితం గడపడానికి ఫ్యాటీ యాసిడ్స్ ఎంతో మేలు చేస్తాయి. ఆరోగ్య సంర‌క్ష‌ణ దృష్ట్యా కొలెస్ట్రాల్‌ను అడ్డుకుంటూ , పోష‌కాల‌ను అందించే వీటిని అందరూ తప్పనిసరిగా ఆహారం లో తీసుకోవాల్సిందే. వీటిని ప్రతి రోజు మన ఆహారంలో భాగంగా ఉండేలా చూసుకుంటే దాంతోఅనేక ఆరోగ్య‌క‌ర ప్ర‌యోజ‌నాలు పొందవచ్చు.
మన శరీరానికి అత్యంత కీలక పోషక పదార్థాల్లో ఒమెగా 6 ఫ్యాటీ యాసిడ్లు ఒక ప్రత్యేక స్థానం ఉంది. ఒమెగా 6 ఫ్యాటీ యాసిడ్లు ఒక రకమైన కొవ్వు జాబితాకు చెందినవి..ఒమెగా 6 ఫ్యాటీ యాసిడ్స్ ఉన్న ఆహారాలు తినడం వలన గుండె జబ్బులు వచ్చే అవకాశం చాలా వరకు తగ్గుతుంది. శరీరంలో కొలెస్ట్రాల్ స్థాయి కూడా తగ్గుతుంది.డయాబెటిక్ న్యూరోపతి సమస్య ఉన్న వారు ఒమెగా 6 ఫ్యాటీ యాసిడ్స్ ఉన్న ఆహారాలు తీసుకుంటే మంచి ఫలితం ఉంటుంది. దీంతో బ్లడ్ షుగర్ స్థాయి కూడా అదుపులో ఉంటుంది.ఒమెగా 6 ఫ్యాటీ యాసిడ్స్ ఉన్న ఆహారాలు క్రమం తప్పకుండా తీసుకోవడం వల్ల మగవారిలో శృంగార సామర్థ్యం మెరుగవుతుంది . స్త్రీలకు వచ్చే నెలసరి సమస్యలు తగ్గుతాయి .
సంతానం కలిగే అవకాశాలు కూడా పెరుగుతాయి. ఎముకలు దృఢంగా తయారవుతాయి. చేపలు, అవకాడోలు, ఆలివ్ నూనె, నట్స్ తినడం వల్ల ఒమెగా 6 ఫ్యాటీ యాసిడ్స్ ను పొందవచ్చు .ఇవి పొద్దు తిరుగుడు గింజలు,వెజిటబుల్ ఆయిల్స్‌లో ,మొక్కజొన్న, సోయా బీన్ తదితర నూనెల్లో ఈ ఫ్యాట్ బాగా దొరుకుతుంది . వేరుశెనగలు,గుమ్మడికాయ విత్తనాలు, తదితర గింజల్లోనూ ఈ ఫ్యాట్లు పొందవచ్చు. కాబట్టి వీటిని ఆహారం లో ఉండేలా చూసుకోవడానికి ఏ మాత్రం నిర్లక్ష్యం చేయకూడదు
