Chia seeds :సబ్జా గింజల తో ఆరోగ్యానికి ఎలాంటి ప్రయోజనం కలుగుతుంది అనే విషయాన్ని తెలుసుకుందాం అధిక బరువుతో బాధపడేవారికి సబ్జాలు దివ్యౌషధం అనే చెప్పాలి . దానికి కారణం ఈ గింజలు తింటే కడుపు నిండుగా ఉండి ఆకలి వేయకపోవడం వల్ల చాలా తేలికగా బరువు తగ్గుతారు .గోరు వెచ్చటి నీటిలో అల్లం రసం, కొంచెం తేనె, ఈ సబ్జా గింజలు వేసి తాగితే దగ్గు, జలుబు వంటి శ్వాసకోశ సమస్యలకు చెక్ పెట్టవచ్చు.
సబ్జా గింజలతో జీర్ణ సమస్యను తగ్గించుకోవచ్చు.
ఇందులో డైటరీ ఫైబర్ ఎక్కువగా ఉండడం వల్ల మలబద్ధకం గ్యాస్, అసిడిటీ సమస్యలుబాగా తగ్గిపోతాయి .
సబ్జా గింజలు తీసుకొని పొడి చేసి, ఆ పొడిని గాయాలపై వేసి కట్టు కట్టుకుంటే గాయాలు త్వరగా మానడం తో పాటు ఇన్ఫెక్షన్ అవకుండా ఉంటుంది.
తల నొప్పితో బాధపడేవారు ఈ సబ్జా గింజలు నీటిలో వేసుకుని నానబెట్టుకుని తింటే తలనొప్పి త్వరగా తగ్గిపోతుంది . మైగ్రేన్ వంటి సమస్యలకు ,కీళ్ల నొప్పులతో బాధపడే వారికీ కూడా ఇది బాగా పని చేస్తుంది.
సబ్జా గింజల్లో యాంటీ బయోటిక్, యాంటీ వైరల్, యాంటీ ఫంగల్ గుణాలు పుష్కలంగా ఉంటాయి. ఎలాంటి ఇన్ఫెక్షన్, అలర్జీ నైనా తేలికగా తగ్గించుకోవచ్చు.
సబ్జా గింజలు నీళ్లలో నానబెట్టి తినడం వల్ల ఒత్తిడి, అలసట తగ్గి డిప్రెషన్ లోకి వెళ్లకుండా ఉంటారు. ఈ అంశం నిజమని అనేక పరిశోధనలు రుజువు చేశాయి.
పంచదార వేసుకోకుండా సబ్జా గింజల నీటిని తాగితే షుగర్ కంట్రోల్ లో ఉంటుంది . గ్లాసు పచ్చి పాలలో కొంచెం వెనిలా నా నబెట్టిన సబ్జా గింజలు కలుపుకుని తాగితే టైప్ 2 డయాబెటిస్ తో బాధపడే వారికి మంచి ఉపశమనం గా ఉంటుంది.సబ్జా గింజలు నానబెట్టిన నీటిని తాగితే భయంకరమైన వేసవి కాలంలో కూడా చలువ చేస్తుంది. ఎండాకాలంలో మనం తీసుకునే రక రకాల పానీయాలు కంటే ఇది ఆరోగ్యానికి చాలా మంచిది..