Ram charan : రామ్చరణ్ బర్త్ డే సెలబ్రేషన్స్ కి సన్నాహాలు గ్రాండ్ గా జరగబోతున్నాయి. ఇప్పటికే చరణ్ బర్త్ డే సెలబ్రేషన్స్ ఎలా జరపాలి అన్న విషయంలో పక్కా క్లారిటీ వచ్చినట్టు తెలుస్తోంది. హైదరాబాద్ శిల్పకళా వేదికలో జరిపేందుకు పనులు మొదలైనట్టు తెలుస్తోంది. వేదిక మీద మెగా ఫ్యామిలీ మొత్తం ఉండబోతోందట. ఈ గ్రాండ్ ఈవెంట్ నెవెర్ బిఫోర్ అన్న రేంజ్ లో చేయడానికి మెగా ఫ్యామిలీ రెడీ అవుతోంది. అభిమానుల సమక్షంలో జరగబోయే చరణ్ బర్త్ డే రోజు మరిన్ని సర్ప్రైజెస్ కూడా ఉన్నాయట.
ప్రస్తుతం మెగా పవర్ స్టార్ రాం చరణ్ – యంగ్ టైగర్ ఎన్టీఆర్ లతో దర్శకధీరుడు ఎస్.ఎస్. రాజమౌళి ఎంతో ప్రతిష్టాత్మకంగా ఆర్ఆర్ఆర్ ని తెరకెక్కిస్తున్నాడు. ఈ సినిమాలో చరణ్ మన్యం వీరుడు అల్లూరి సీతారామరాజుగా నటిస్తున్న సంగతి తెలిసిందే. కాగా ఆర్ఆర్ఆర్ నుంచి చరణ్ బర్త్ డేకి భారీ సర్ప్రైజ్ ఇవ్వబోతున్నారు. తాజాగా ఇందుకు సంబంధించిన అప్డేట్ ఇచ్చారు రాజమౌళి బృందం. చరణ్ బర్త్డే కానుకగా ఓ ఫైర్కేస్ట్ పోస్టర్ని విడుదల చేయబోతున్నారు.
Ram charan : ఆచార్య నుంచి ‘సిద్ద’ సర్ప్రైజ్ ఇవ్వబోతున్నాడట.
తాజాగా ఆర్ఆర్ఆర్ అఫీషియల్ ట్విట్టర్ ద్వారా ‘రామరాజు వస్తున్నాడు..’ అంటూ ప్రకటించారు. దీంతో మెగాభిమానులు సంబరాలు చేసుకుంటున్నారట. కాగా సినిమాను తెలుగు, హిందీ, తమిళ, మలయాళ, కన్నడ భాషల్లో ఈ ఏడాది దసరా సందర్భంగా అక్టోబర్ 13న విడుదల చేయనున్నట్లుగా చిత్రయూనిట్ ఇప్పటికే ప్రకటించారు. అంతేకాదు మెగాస్టార్ చిరంజీవి – కొరటాల శివ కాంబినేషన్ లో తెరకెక్కుతున్న ఆచార్య సినిమాలో కూడా చరణ్ సిద్ద గా కనిపించబోతున్నాడు. ఈ సినిమా నుంచి కూడా ‘సిద్ద’ సర్ప్రైజ్ ఇవ్వబోతున్నాడట.
Aavesham OTT: డిజిటల్ స్ట్రీమింగ్ డేట్ ను కన్ఫామ్ చేసుకున్న ఆవేశం మూవీ.. ఈ రూ. 150 కోట్ల మూవీ స్ట్రీమింగ్ ఎక్కడంటే..!