సీజన్ ఫోర్ బిగ్ బాస్ చివరి దశకు చేరుకుంది. వీకెండ్ ఎపిసోడ్ లు రావడంతో ఈవారం హౌస్ నుండి ఎవరు ఎలిమినేట్ అవుతారు అనే దాని విషయంలో ఆడియన్స్ లో తీవ్ర ఉత్కంఠ నెలకొంది. హౌస్ లో ప్రస్తుతం ఆరుగురు సభ్యులు ఉండటంతో అఖిల్ ఫైనల్ వారానికి వెళ్లిపోవడంతో మిగతా ఐదుగురిలో ఎవరు టాప్ ఫైవ్ లోకి వెళ్తారు అనే దాని విషయంలో బయట రకరకాల చర్చలు జరుగుతున్నాయి.
అయితే చివరి వారానికి ముందు ఈ వారంలో చివరిలో ఆడియన్స్ ని రిక్వెస్ట్ చేసుకునే ఛాన్స్ హౌస్ సభ్యులకు గోల్డెన్ మైక్ టాస్క్ ద్వారా బిగ్ బాస్ ఇవ్వటం జరిగింది. ఈ క్రమంలో అరియానా రెండుసార్లు గెలవగా, సోహెల్ ఒకసారి గెలవడం జరిగింది. ఇక లాస్ట్ ఛాన్స్ ఉన్న సమయంలో మోనాల్ కి హారిక మధ్య పోటీ నెలకొనగా చివరిలో.. మోనాల్ అప్పట్లో నీకు కెప్టెన్సీ టాస్క్ సమయములో సపోర్ట్ చేశాను అంత మాత్రమే కాక నువ్వు చాలా బాగా ఆడుతున్నావు.
దయచేసి నన్ను ఈసారి సపోర్ట్ చెయ్ అని మోనాల్.. హారిక ని రిక్వెస్ట్ చేయగా.. ఏ మాత్రం ఆలోచించకుండా గోల్డెన్ మైక్ టాస్క్ లో ఆడియన్స్ ని రిక్వెస్ట్ చేసుకునే అవకాశాన్ని వదులుకొని మోనాల్ కి మైక్ ఇచ్చేసింది. దాంతో చివరి టాస్క్ లో మోనాల్ విజేతగా నిలిచింది. ప్రేక్షకుల సపోర్ట్ కు కృతజ్ఞతలు చెప్పిన మోనాల్ తనను ఇంతదూరం తీసుకు వచ్చారు. ఇప్పుడు కూడా సపోర్ట్ చేయండి అంటూ విజ్ఞప్తి చేసింది.