Breaking: హైదరాబాద్ శివారు పటాన్చెరులో కోడి పందాలు నిర్వహిస్తున్న శిబిరంపై హైదరాబాద్ పోలీసులు ఆకస్మిక దాడి చేశారు. పెదకంజర్ల గ్రామ సమీపంలోని ఓ తోటలో పెద్ద ఎత్తున బెట్టింగ్ పెట్టి కోడి పందాలు నిర్వహిస్తున్నారన్న కఛ్చితమైన సమాచారంతో పోలీసులు బుధవారం రాత్రి దాడులు నిర్వహించారు. ఈ దాడిలో 49 మంది పరారు కాగా 21 మందిని పోలీసులు అదుపులోకి తీసుకున్నారు. పోలీసుల రాకతో పలువురు పరారైయ్యారు.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
పరారైన వారిలో ఏపి టీడీపీ మాజీ ఎమ్మెల్యే చింతమనేని ప్రభాకర్ సహా పలువురు ప్రముఖులు ఉన్నట్లు తెలుస్తొంది. పరారైన వారి కోసం పోలీసులు గాలిస్తున్నారు. పోలీసులను చూసి చింతమనేని అక్కడ నుండి పరారైనట్లు తెలుస్తొంది. పటాన్ చెరు డీఎస్పీ భీంరెడ్డి ఆధ్వర్యంలో ఈ దాడులు జరిగాయి. నిందితుల నుండి రూ.13.12 లక్షల నగదు, 32 పందెం కోళ్లు, 26 వాహనాలను పోలీసులు స్వాధీనం చేసుకున్నారు. గత కొంత కాలంగా టీడీపీ నేత చింతమనేని ప్రభాకరరావు ఆధ్వర్యంలోనే ఈ శిబిరం నిర్వహిస్తున్నారని అంటున్నారు.