Chiranjeevi – Raviteja: మెగాస్టార్ చిరంజీవి ప్రస్తుతం వరుసగా క్రేజీ ప్రాజెక్ట్స్ చేస్తున్న సంగతి తెలిసిందే. ఇప్పటికే మెగా మల్టీస్టారర్గా ఆచార్య సినిమాలో నటించారు. ఇందులో చిరు తనయుడు మెగా పవర్ స్టార్ రాం చరణ్ మరో హీరోగా నటించాడు. ఈ సినిమా రిలీజ్కు రెడీ అవుతోంది. కొరటాల శివ దర్శకత్వంలో రూపొందుతున్న ఈ సినిమాను 2022, ఫిబ్రవరి 4న ప్రపంచవ్యాప్తంగా రిలీజ్ చేయనున్నారు. కాజల్ అగర్వాల్, పూజా హెగ్డే హీరోయిన్స్గా నటించారు. ఇక ప్రస్తుతం మూడు సినిమాలను సెట్స్ మీదకి తీసుకువచ్చారు చిరు.
మోహన్ రాజా దర్శకత్వంలో మలయాళ సూపర్ హిట్ సినిమా లూసీఫర్ తెలుగు రీమేక్ గాడ్ ఫాదర్ సినిమా షూటింగ్లో పాల్గొంటున్నారు. ఈ సినిమాను సమ్మర్ కానుకగా రిలీజ్ చేసే ప్రయత్నాలు సాగుతున్నాయి. అలాగే మెహర్ రమేశ్ దర్శకత్వంలో భోళా శంకర్ సినిమా చేస్తున్నారు. ఈ సినిమా షూటింగ్ ఇటీవలే మొదలై ఓ భారీ యాక్షన్ సీక్వెన్స్, ఓ సాంగ్ పూర్తైంది. ఫస్ట్ షెడ్యూల్ కంప్లీట్ చేసిన చిత్రబృందం వెంటనే సెకండ్ షెడ్యూల్ కూడా మొదలుపెట్టారు. కీర్తి సురేశ్ ఈ సినిమాలో చిరంజీవికి చెల్లిగా నటిస్తోంది. మిల్కీ బ్యూటీ తమన్నా హీరోయిన్ గా నటిస్తోంది.
Chiranjeevi – Raviteja: రవితేజకి ఉన్న క్రేజ్ కారణంగానే మెగా మల్టీస్టారర్లో ఇంత రెమ్యునరేషన్..!
ఇక ఇదే క్రమంలో బాబీ దర్శకత్వంలో చిరంజీవి ఓ సినిమా చేస్తున్నారు. ఈ సినిమా షూటింగ్ కూడా మొదలై శరవేగంగా సాగుతోంది. ప్రస్తుతం ఈ సినిమాకు వాల్తేర్ వీరయ్య అనే టైటిల్ ప్రచారంలో ఉంది. ఇందులో మాస్ మహారాజ రవితేజ చిరు తమ్ముడిగా కనిపించబోతున్నాడు. ఇందులో రవితేజ నటిస్తున్నందుకు గానూ 7 కోట్ల రెమ్యునరేషన్ అందుకుంటున్నాడట. ఇటీవల క్రాక్ సినిమాతో భారీ సక్సెస్ అందుకున్న రవితేజ వరుసగా క్రేజీ ప్రాజెక్ట్స్ చేస్తున్నాడు. ఇప్పుడు రవితేజకి ఉన్న క్రేజ్ కారణంగానే మెగా మల్టీస్టారర్లో ఇంత రెమ్యునరేషన్ ఇస్తున్నారని తెలుస్తోంది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!