Chiranjeevi : ఠాగూర్ పేరు వింటే మెగాస్టార్, మెగాస్టార్ పేరు వింటే ఠాగూర్ మనకు గుర్తుకు వస్తాయి. చిరంజీవి కెరీర్ బెస్ట్ మూవీస్ లో ‘ఠాగూర్’ ముందు వరుసలో ఉంటుంది. ఈ సినిమాలో అవినీతిపై చిరు సాగించే పోరాటం చాలా ఆసక్తిగా ఉంటుంది. అందులోని పలు సన్నివేశాలు ఇప్పటికీ అభిమానుల్ని వెంటాడుతూ ఉంటాయి. కమర్షియల్ కోణంలోని ఈ సందేశాత్మక చిత్రానికి వివి వినాయక్ తెరకెక్కించిన సంగతి తెలిసిందే. అయితే ఆ మూవీ తర్వాత చిరు మళ్ళీ సందేశం బాట పట్టిన ‘స్టాలిన్’ చిత్రం అంతగా ఆకట్టుకోలేకపోయింది.
Chiranjeevi : మళ్ళీ ఇన్నాళ్ళకి రాబోతుంది?
‘ఠాగూర్’ తర్వాత చిరు నుంచి ఆ స్థాయిలో మరో సందేశాత్మక చిత్రం రాలేదనే చెప్పుకోవాలి. అయితే ఆలోటును వెంకీ కుడుముల చిత్రం తీర్చబోతున్నట్టు సమాచారం. అవును.. చిరంజీవి కోసం వెంకీ.. ఓ అదిరిపోయే మెసేజ్ ఓరియెంటెడ్ సబ్జెక్ట్ ను రెడీ చేసాడని టాలీవుడ్లో గుసగుసలు వినిపిస్తున్నాయి. బలమైన సందేశాన్ని ఫక్తు కమర్షియల్ అంశాలతో చెబుతూ ఓ అదిరిపోయే స్ర్కిప్ట్ రెడీ చేశాడట వెంకీ.
నిర్మాత కూడా ఆయనే అట?
RRR నిర్మాత DVV దానయ్య ఈ సినిమాను నిర్మించబోతున్నట్టుగా సమాచారం. ప్రస్తుతం చిరంజీవి నటించిన ‘ఆచార్య’ చిత్రం విడుదలకు సిద్ధంగా వున్న సంగతి తెలిసినదే. ఆ తర్వాత ‘గాడ్ ఫాదర్, భోళాశంకర్’, బాబీ దర్శకత్వంలోని చిత్రాలు షూటింగ్ జరుపుకుంటున్నాయి. వీటిలో ‘భోళాశంకర్, గాడ్ ఫాదర్’ చిత్రాలు జూలై నాటికి పూర్తయిపోతాయి. ఆ తర్వాత చిరు చేయబోయే సినిమా ఇదే కావడం విశేషం.