Shakuntalam : ‘శాకుంతలం’ అక్కినేని సమంత నటించబోతున్న లేటెస్ట్ సినిమా. భారీ బడ్జెట్ తో ఈ సినిమాని గుణ టీం వర్క్స్ – శ్రీ వెంకటేశ్వర క్రియేషన్స్ కలిసి నిర్మిస్తున్నారు. ఇప్పటికే ఈ సినిమాకి సంబంధించిన భారీ సెట్స్ నిర్మాణం కూడా పూర్తయింది. గుణ శేఖర్ దర్శకత్వంలో తెరకెక్కబోతున్న ఈ పౌరాణిక చిత్రం యొక్క ప్రారంభోత్సవం తాజాగా పూజా కార్యక్రమాలతో ఘనంగా నిర్వహించారు. ఈ సినిమాలో సమంత టైటిల్ రోల్ పోషిస్తుండగా మలయాళ నటుడు దేవ్ మోహన్ దుష్యంతుడిగా నటిస్తున్నారు.
కాగా త్వరలో ఈ సినిమా సెట్స్ మీదకి రాబోతుండగా మిగతా ప్రధాన పాత్రలను ఎంపిక చేస్తున్నట్టు లేటెస్ట్ అప్డేట్. ఈ క్రమంలో సీనియర్ స్టార్ హీరో కలెక్షన్ కింగ్ మంచు మోహన్ బాబు ఒక కీలక పాత్రకి ఎంపికైనట్టు సమాచారం. శాకుంతలం సినిమాని ప్రకటించినప్పటి నుంచి అభిజ్ఞాన శాకుంతలంలో కీలకమైన దుర్వాస మహర్షి పాత్ర ఎవరు పోషిస్తారనేది ఆసక్తికరంగా మారింది. అభిజ్ఞాన శాకుంతలం కథలో దుర్వాస మహర్షి ముక్కోపిగా ఉంటాడన్న విషయం తెలిసిందే.
Shakuntalam : శాకుంతల జీవితాన్ని మలుపుతిప్పే దుర్వాస ముని పాత్రలో కలెక్షన్ కింగ్..?
ఇలాంటి పాత్రకి మోహన్ బాబు అయితే సరిగ్గా న్యాయం చేయగలడన్న అభిప్రాయంతో మోహన్ బాబు ని దర్శక, నిర్మాతలు ఎంచుకున్నట్టు తెలుస్తోంది. శాకుంతల జీవితాన్ని మలుపుతిప్పే దుర్వాస ముని పాత్రలో కలెక్షన్ కింగ్ మంచు మోహన్ బాబు కూడా గ్రీన్ సిగ్నల్ ఇచ్చినట్టు చెప్పుకుంటున్నారు. ఇందుకు సంబంధించిన అధికారక ప్రకటన త్వరలో రానుందట. ‘శాకుంతలం’ చిత్రానికి సంగీత బ్రహ్మ మణిశర్మ సంగీతం సమకూరుస్తున్నారు. ఇక త్వరలో మరిన్ని అప్డేట్స్ ఈ సినిమా నుంచి రానున్నాయి.