Dimple hayathi : టాలీవుడ్, కోలీవుడ్, మాలీవుడ్ హీరోయిన్స్ కి బాలీవుడ్ సినిమాలలో అవకాశాలు వస్తే చేయాలని ఎంతో ఆరాటపడుతుంటారు. బాలీవుడ్ సినిమాలు చేసి ఓ రెండు హిట్స్ అందుకుంటే ఆ క్రేజ్ ప్రపంచవ్యాప్తంగా ఉంటుంది. నేషనల్ వైడ్ క్రేజీ హీరోయిన్గా వెలగొచ్చు. బాలీవుడ్ లో స్టార్ అనిపించుకుంటే ఎక్కడైనా భారీ రెమ్యూనరేషన్ డిమాండ్ చేయొచ్చు అన్నది ఒక ముఖ్య కారణం. అందుకే ఇక్కడి వారు అక్కడికి వెళ్ళాలని ఆశపడుతుంటారు. కానీ ఆశపడ్డట్టుగా అవకాశాలు దక్కవు. దక్కినా అంత సులభంగా నిలదొక్కుకోలేరు. ఇప్పుడు బాలీవుడ్ లో హీరోయిన్స్ మధ్య గట్టి పోటీ ఉంది.
ఇప్పటికే అక్కడ కియారా అద్వానీ, కృతి సనన్, పరిణీతి చోప్రా, దీపిక పదుకోణ్, తాప్సీ మంచి ఊపు మీదున్నారు. వారికి పోటీగా ఇప్పుడు పూజా హెగ్డే, రష్మిక మందన్న దిగారు. పూజా హెగ్డే సల్మాన్ ఖాన్, రణ్వీర్ సింగ్ లతో నటిస్తోంది. ఇక రష్మిక మందన్న సిద్దార్థ్ మల్హోత్రా తో ఒక సినిమా, బిగ్ బి అమితాబ్ బచ్చన్ తో ఒక సినిమా చేస్తుండగా ఇటీవలే మరో సినిమాను కమిటయింది. ఇంతమంది ఉండగా బాలీవుడ్ మేకర్స్ కన్ను ‘గల్ఫ్’ సినిమాతో టాలీవుడ్ కి హీరోయిన్ గా పరిచయమైన డింపుల్ హయాతి మీద పడిందట. తెలుగులో ఈమె ‘యురేక’ అనే సినిమా, ‘అభినేత్రి 2’ సినిమాలతో ఆకట్టుకుంది. వరుణ్ తేజ్ నటించిన గద్దలకొండ గణేష్ లో ఐటమ్ సాంగ్ చేసి ఆకట్టుకుంది.
Dimple hayathi : తమిళంలో కూడా మంచి ఆఫర్స్ ఉన్నాయి.
ప్రస్తుతం రవితేజకి జంటగా ‘ఖిలాడి’ మూవీలో నటిస్తోంది. జయంతీలాల్ గడ సమర్పణలో రూపొందుతున్న ఈ మూవీని పెన్ స్టూడియోస్ బ్యానర్ పై హిందీలో రిలీజ్ చేయబోతున్నారు. ఇదే క్రమంలో తాజాగా డింపుల్ హయతికి బాలీవుడ్ లో శంకర్, రణవీర్ సింగ్ కాంబినేషన్ లో పెన్ స్టూడియోస్ నిర్మిస్తున్న హిందీ రీమేక్ ‘అపరిచితుడు’ సినిమాలో ఈమెకి అవకాశం ఇచ్చారట. ఈ మూవీ తో పాటు కార్తిక్ ఆర్యన్ కొత్త సినిమాలో కూడా డింపుల్ హయతికి హీరోయిన్ గా ఛాన్స్ ఇచ్చినట్టు బాలీవుడ్ వర్గాలలో టాక్ వినిపిస్తోంది. ఈమెకి తమిళంలో కూడా మంచి ఆఫర్స్ ఉన్నాయి.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!