పీరియడ్స్, సెక్స్ ఎడ్యుకేషన్ గురించి ప్రతి ఒక్కరికి అవగాహన ఉండడంఅనేది చాల అవసరం. విద్యాసంస్థ లు ఆ విద్యాబోధన చేయాలి. రుతుస్రావం గురించి కేవలం అమ్మలు, అమ్మమ్మ లు చెప్పడమే కాకుండా పాఠశాలల్లోనూ ఈ విషయం గురించి క్లాసులుండాలి. మొదటసారి రుతు స్రావం జరిగినప్పుడు అమ్మాయిలు భయపడకుండా ఉండేందుకు ముందు నుంచే ఇలాంటి జాగ్రత్తలు చెప్పాలని పలువురు నిపుణులు సూచిస్తున్నారు.
బాలికల కు రుతుస్రావం విషయం లో కనీస అవగాహన అనేది కలగ చేయడం ముఖ్యం. ఇలాంటివి తెలుసుకున్నప్పుడే ఏ భయం లేకుండా స్కూల్ జీవితాన్ని గడపగలుగుతారు. ఇది కేవలం బాలికలకు సంబంధించిన విషయం అని అనుకుంటే మాత్రంపొరపాటే..అబ్బాయిలకు కూడా ఈ విషయం గురించి అవగాహనా కల్పించాలి.
టీనేజ్లో బట్టల పై పడ్డ మరకల గురించి ఎందుకు భయం? అది బ్లీడింగ్ అని… అమ్మాయిల్లో అది సర్వసాధారణ మని అందరికి తెలియవలిసిందే ! ఇవి పాత రోజులు కాదు ,అప్పటి పరిస్థితులు అంతకన్నా లేవు.. ఇప్పటికైనా అమ్మాయి లు భయం లేకుండా పీరియడ్స్ గురించి బహిరంగంగా మాట్లాడగలగాలి. పీరియడ్స్లో ఎలాంటి జాగ్రత్త లు తీసుకోవాలో తెలుసుకోవాలి. ప్రతి ఆడపిల్లకి తెలియచెప్పాలి. ముఖ్యంగా పీరియడ్స్ లో ఈ జాగ్రత్తలు తీసుకోవాలి.
నెలసరి మొదలైనప్పటి నుండి ఎప్పుడు ఒక ప్యాడ్ దగ్గర ఉంచుకోవాలి. ఇలా చేయడం వలన నెలసరి ముందుగా వచ్చిన ఎటువంటి సమస్య ఉండదు. జననాంగాలు ఎప్పటికప్పుడు శుభ్రపరుచుకుంటూ ఉండాలి. ఎప్పటికప్పుడు ప్యాడ్స్ మారుస్తూ ఉండాలి. ఒకే ప్యాడ్ ఎక్కువసేపు ఉంచుకుంటే బ్యాక్టీరియా చేరి సమస్యలు వస్తాయి.ఎప్పటికప్పుడు చేతులు సబ్బుతో శుభ్రపరచుకుంటూ ఉండాలి.. ప్రతీ మహిళ ఈ విషయం లో కచ్ఛితం గా శుభ్రత పాటిస్తూ జాగ్రత్త లు తీసుకో వాలి. శుభ్రత అనేది ఈ సమయం లో అతి ముఖ్యమైనది అని గుర్తు పెట్టుకోవాలి.