Cloves: మసాలా దినుసుల్లో లవంగం కూడా ఒకటి..!! ఇది కూరలకు రుచిని అందిస్తుంది.. అయితే లవంగాలను తింటే ఆరోగ్యానికి మంచిదని అతి కొద్ది మందికే తెలుసు.. ముఖ్యంగా ఉదయం పరగడుపున రెండు లవంగాలు తింటే మనం ఊహించని ప్రయోజనాలు ఉన్నాయి..!! అవేంటో చూద్దాం..!!
లవంగాలు లో యాంటీ ఆక్సిడెంట్స్ పుష్కలంగా ఉన్నాయి.. ఇంకా యాంటీ బ్యాక్టీరియల్, యాంటీ ఫంగల్, యాంటీ ఇన్ఫ్లేటరీ, యాంటీ సెప్టిక్ గుణాలు ఉన్నాయి. ఇవి రోగ నిరోధక శక్తిని పెంచుతుంది. శరీరం లోకి హానికర బ్యాక్టీరియా ప్రవేశించకుండా కాపాడుతుంది. జలుబు, దగ్గు, ఫ్లూ వంటి ఇన్ఫెక్షన్ కారక జబ్బులను నయం చేస్తుంది. ఇవి జీర్ణ వ్యవస్థ ను క్రమబద్ధీకరిస్తుంది. జీర్ణ సంబంధిత సమస్యలు రాకుండా చూస్తుంది. కడుపు లో మంట, గ్యాస్, ఎసిడిటీ వంటి ఉదర సంబంధిత సమస్యలను నివారిస్తుంది.
పంటి నొప్పి తో బాధపడుతున్న వారికి లవంగం అద్భుతంగా పని చేస్తుంది. పరగడుపున రెండు లవంగాలు తింటే దంత సమస్యలు రావు. నోటి దుర్వాసనను పోగొడుతుంది. పిప్పి పన్ను నొప్పి ఉన్నచోట లవంగం ఉంచితే నొప్పిని తగ్గిస్తుంది. ఒక గ్లాసు గోరువెచ్చని నీటిని లవంగం పొడిని వేసుకుని కలిపి తాగితే పంటి నొప్పిని తగ్గిస్తుంది.