Bangaarraju: ఓ సినిమా అనుకున్న తర్వాత అవాంతరాలు ఎదురవడం సహజం. పూరి జగన్నాథ్ లాంటి జెట్ స్పీడ్‌లో సినిమా ఫినిష్ చేసే డైరెక్టర్‌కే మొదటిసారి కరోనా దెబ్బకొట్టి సంవత్సరం డిలే అయింది. అదే ఒక సినిమా సీక్వెల్ లేదా ప్రీక్వెల్ అంటే కథ సెట్ కాక సెట్ అయినా హీరో గారికి నచ్చక మార్పులు చేర్పులు చేయాల్సి వస్తుంటుంది. దానివల్ల ఏళ్ల తరబడి ఒక ప్రాజెక్ట్ మీదే వర్క్ చేయాల్సి వస్తుంది. ఇదే సమయంలో కరోనా అటాక్ చేయడంతో మరింత ఆలస్యం అవుతుంది. అలా జరిగిన ప్రాజెక్టే నాగార్జూన – కళ్యాణ్ కృష్ణ కాంబినేషన్‌లో రావాల్సిన ‘బంగార్రాజు’.
2019లో వచ్చి బాక్సాఫీస్ వద్ద భారీ విజయాన్ని అందుకున్న సినిమా సోగ్గాడే చిన్ని నాయాన. నాగార్జున డ్యూయల్ రోల్‌లో నటించగా, రమ్యకృష్ణ, లావణ్య త్రిపాఠి హీరోయిన్స్‌గా నటించారు. ఈ సినిమా విలేజ్ బ్యాక్‌డ్రాప్‌లో రూపొందిన ఈ సినిమా అన్నీ వర్గాల ప్రేక్షకులను ఆకట్టుకుంది. అందుకే ఈ సినిమాకి కొనసాగింపుగా మళ్ళీ సినిమా చేయాలని నాగార్జున డిసైడయ్యాడు. ఇదే విషయాన్ని దర్శకుడు కళ్యాణ్ కృష్ణకి చెప్పి కథ సిద్దం చేయమని చెప్పారు. అంతేకాదు ఈ సినిమాకి బంగార్రాజు అనే టైటిల్ కూడా రిజస్టర్ చేయించారు.
Bangaarraju: ఇప్పటికే భారీ సెట్లను నిర్మించి దాదాపు చిత్రీకరణ పూర్తి చేయనున్నారు.
అప్పటి నుంచి ఈ సినిమాకి సంబంధించిన వార్తలు వస్తూనే ఉన్నాయి. ఇదుగో అదుగో అంటూ వార్తలు వస్తున్నాయి. అలా వస్తూ వస్తూ 5 ఏళ్ళు గడిచిపోయింది. దాంతో ఇప్పుడు ఇది నాగార్జునకి డైరెక్టర్ కళ్యాణ్ కృష్ణకి డ్రీమ్ ప్రాజెక్ట్ అయింది. ఎట్టకేలకి ఈ సినిమా ఈనెల 25న సెట్స్ మీదకి రాబోతోంది. ఈ సినిమాలో నాగార్జున – నాగ చైతన్య నటిస్తున్నారు. ఉప్పెన ఫేమ్ బ్యూటీ కృతి శెట్టి – సీనియర్ హీరోయిన్ రమ్యకృష్ణ హీరోయిన్స్‌గా పాత్రలో కనిపించబోతున్నారు. ఇప్పటికే భారీ సెట్లను నిర్మించి దాదాపు చిత్రీకరణ పూర్తి చేయనున్నారు.
