KL Rahul: కన్నూర్ లోకేష్ రాహుల్ గత మూడేళ్లుగా భారత జాతీయ జట్టులో కీలక సభ్యుడిగా కొనసాగుతున్నాడు. ఇంగ్లండ్ సిరీస్ లోని పేలవ పెర్ఫార్మెన్స్ తో టెస్టుల్లో ప్లేస్ కోల్పోయిన రాహుల్ టీ20ల్లో మొదటి ఓపెనర్ గా భారత జట్టుకు సేవలు అందిస్తున్నాడు. ఇక వన్డే జట్టు అయితే నాలుగో స్థానం లేదా అవసరాలను బట్టి కింద స్థానాలలో బ్యాటింగ్ కు వస్తాడు.
అయితే ఇప్పుడు అతని ప్రస్తావన ఎందుకు వచ్చిందంటే ఇంగ్లాండ్ తో జరగబోయే అతి కీలక ఐదు మ్యాచ్ల టెస్ట్ సిరీస్ నుండి భారత ఓపెనర్ శుభమన్ గిల్ గాయం కారణంగా దూరమైన విషయం తెలిసిందే. రాహుల్ జట్టులోనే ఉన్నప్పటికీ రోహిత్ శర్మతో అతను ఓపెనింగ్ ఆడతాడా లేదా అనే విషయంపై సందిగ్థత నెలకొంది. రాహుల్ ను మిడిలార్డర్లో ఆడిస్తే మంచిదన్న విషయం మరికొందరు క్రికెట్ నిపుణులు సూచిస్తున్నారు.
ఇకపోతే ఈ టెస్ట్ సిరీస్ లో రాహుల్ కనుక సత్తా చాటితే అతను రెగ్యులర్ టెస్ట్ బ్యాట్స్మెన్ గా కూడా ఉంటాడు. అయితే రాబోయే టీ20 ప్రపంచకప్ రాహుల్ మళ్లీ తలనొప్పి గా మారాడు. ఐపీఎల్ లో అద్భుతమైన ఫామ్ లో ఉన్న ధావన్ వల్లే ఇదంతా. వరుస సెంచరీలతో అతను అదరగొట్టాడు. అతనిని కాదని రోహిత్ శర్మ జట్టుగా రాహుల్ ని ప్రపంచకప్ లో ఓపెనింగ్ ఆడిస్తే ఇక శిఖర్ ధావన్ కి జట్టులో ప్లేసు ఉండదు. అయితే ఓపెనింగ్ కి ధావన్ ని పంపి రాహుల్ ని మిడిల్ లో పెట్టేందుకు కూడా అక్కడ చోటు ఖాళీగా లేదు.
రిషబ్ పంత్, హార్దిక్ పాండ్యా, శ్రేయస్ అయ్యర్/సూర్యకుమార్ యాదవ్ వంటి సభ్యులను జట్టు నుండి తీసివేసేంత అవకాశం లేదు. అటు వన్డేలో కూడా రాహుల్ చోటు అటు ఇటు మారుతూ వస్తుంది. మరి కె.ఎల్.రాహుల్ లాంటి విలక్షణ ఆటగాడు… ఏ స్థానంలో అయినా సత్తా చాట కలిగే ప్లేయర్ భారత్ కు మేలు అవ్వాలి కానీ ఇలా బ్యాటింగ్ ఆర్డర్ విషయంలో సందిగ్ధతతో ఇతరుల భవిష్యత్తు పై ప్రభావం పడడం అనేది అరుదుగా సంభవిస్తూ ఉంటుంది. మొత్తానికి ఏ ఫార్మాట్ లో రాహుల్ కి ఏ స్థానం ఇవ్వాలి అన్నది ఇప్పుడే ఫిక్స్ అయిపోతే మంచిది.