MEB Review: అఖిల్ అక్కినేని, పూజా హెగ్డే జంటగా నటించిన చిత్రం ‘మోస్ట్ ఎలిజిబుల్ బ్యాచిలర్’ ఈరోజు థియేటర్లలో ప్రేక్షకుల ముందుకు వచ్చింది. బొమ్మరిల్లు భాస్కర్ దర్శకత్వం వహించిన ఈ చిత్రాన్ని GA 2 వారు నిర్మించారు. అయితే ఈ చిత్రం ఎలా ఉందో చూద్దాం…
కథ:
హర్ష ‘అఖిల్’ న్యూయార్క్ నగరంలో ఉద్యోగం చేస్తూ ఉంటాడు. అయితే తన మైండ్ సెట్ కు తగిన అమ్మాయిని ను పెళ్లి చేసుకునేందుకు ఇండియాకు వస్తాడు. ఎన్నో పెళ్లిచూపులు జరుగుతాయి. అయితే ఏ ఒక్కరూ తన ఆలోచనలకు సరిపడరు. ఇదే సమయంలో విభ (పూజా హెగ్డే) ఒక స్టాండ్ కమెడియన్ గా ప్రత్యక్షమౌతుంది. విభతో ప్రేమలో పడతాడు హర్ష అయితే కొన్ని అనుకోని సంఘటనల వల్ల అతను మళ్ళీ అమెరికాకు వెళ్లి పోవాల్సి వస్తుంది. ఇక విభకి కూడా హర్ష పైన నెగిటివ్ అభిప్రాయం ఏర్పడుతుంది. మరి తిరిగి హర్ష విభ ను పొందగలిగాడా? అసలు అతని ఆలోచనలకు తగ్గ అమ్మాయి ఉందా? ఇంతకీ అతనికి పెళ్లి అయిందా లేదా అన్నది మిగిలిన కథ.
ప్లస్ పాయింట్స్:
ఈ చిత్రంలో అఖిల్, పూజా హెగ్డే నటన ఎంతో బాగుంది అంతే కాకుండా మొదటి అర్ధ భాగంలో వచ్చే కామెడీ సీన్లు ప్రేక్షకులను కడుపుబ్బ నవ్విస్తాయి.
ఈ చిత్రానికి పెద్ద ప్లస్ పాయింట్ సంగీతం మూడు పాటలు ఎంతో బాగా రాగా… ప్రధాన నటీనటులు కూడా చక్కగా నటించారు. బ్యాక్ గ్రౌండ్ మ్యూజిక్ కూడా డీసెంట్ గా బాగుంది.
చిత్రంలో ఒక సెక్షన్ యూత్ ను ఆకట్టుకునే అంశాలు ఎన్నో ఉన్నాయి. యువతకు కావాల్సిన సందేశం వారిని టచ్ చేసే పాయింట్స్ కొద్ది మందిని మెప్పించవచ్చు.
మైనస్ పాయింట్స్
మొదటి అర్ధ భాగంలో కోర్టు సీన్ హాస్యాస్పదంగా ఉన్నప్పటికీ అసలు లాజిక్ లేకుండా సాగుతుంది. పైగా స్టాండప్ కమెడియన్ పాత్ర లో పూజా హెగ్డే నటన ఎంతో కృత్రిమంగా ఉంటుంది.
రెండవ అర్ధ భాగం మొత్తం సినిమాకి చాలా పెద్ద మైనస్. చివరి అరగంట సేపు బోధించడం మినహాయించి ప్రేక్షకులను ఆకట్టుకునే సన్నివేశం ఒక్కటి అంటే ఒక్కటీ లేకపోవడం గమనార్హం
ఒకానొక సమయంలో అసలు సినిమాలో కథ ఉందా అన్న అనుమానం వస్తుంది. ఎంటర్టెన్మెంట్ జోడించి కథను చెప్పే ప్రయత్నం చేసిన దర్శకుడు పూర్తిగా విఫలమయ్యాడనే చెప్పాలి.
విశ్లేషణ:
మొత్తంగా చూసుకుంటే మోస్ట్ ఎలిజిబుల్ బ్యాచిలర్ చిత్రం థియేటర్ల వద్ద బోల్తా పడింది. కొంతమంది యువతరానికి ఇది సినిమా నచ్చవచ్చు. కానీ బి,సి సెంటర్లలో మాత్రం టికెట్లు పెద్దగా తెగకపోవచ్చు కామెడీ మెరిపించినప్పటికీ… కథ పెద్దగా లేకపోవడం, చివరి అర్ధగంట అసలు ఆసక్తికరంగా లేకపోవడం, రెండవ అర్ధ భాగం మొత్తం అనాస్తకిగా సాగడం మూవీని బాగా దెబ్బతీశాయి. మొదటి అర్ధ భాగంలో కామెడీ, సంగీతం, నటీనటులే ఇక ఈ చిత్రాన్ని కాపాడాలి.
చివరి మాట: ‘మోస్ట్ యావరేజ్ బ్యాచిలర్’
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!