Anilmal Trailer: “అర్జున్ రెడ్డి” ఫేమ్ సందీప్ రెడ్డి వంగా దర్శకత్వంలో బాలీవుడ్ స్టార్ హీరో రణబీర్ కపూర్ నటించిన సినిమా యానిమల్. డిసెంబర్ మొదటి తారీకు ఐదు భాషలలో విడుదల కానుంది. తెలుగు, తమిళం, మలయాళం, కన్నడ, హిందీ.. భాషలలో రిలీజ్ చేయనున్నారు. సినిమా విడుదల తేదీ దగ్గర పడుతుండటంతో మేకర్స్ ప్రమోషన్ కార్యక్రమాల విషయంలో వేగం పెంచారు. ఆల్రెడీ “యానిమల్” టీజర్ విడుదల చేయడం జరిగింది. చాలా వైవిధ్యమైన పాత్రలో రణబీర్ కపూర్ నీ చూపించడం జరిగింది. తండ్రి కొడుకుల సెంటిమెంట్ నేపథ్యంలో స్టోరీ ఉండబోతున్నట్లు తెలుస్తోంది.
రణబీర్ కపూర్ తండ్రిగా అనిల్ కపూర్ నటించడం జరిగింది. హీరోయిన్ గా రష్మిక మందన నటించింది. విలన్ పాత్రలో బాబి డియోల్ నటించారు. గుల్షన్ కుమార్ టి సిరీస్ సమర్పణలో భద్రకాళి పిక్చర్స్ సినీ 1 స్టూడియోస్ పై భూషణ్ కుమార్, ప్రణయ్ రెడ్డి వంగా, కృషణ్ కుమార్, మురాద్ ఖేతాని సినిమాని నిర్మించడం జరిగింది. ఈ సినిమా ప్రమోషన్ కార్యక్రమాలు మొన్నటిదాకా స్వదేశంలో పాటు దుబాయ్ వంటి చోట్ల కూడా నిర్వహించడం జరిగింది. అయితే తాజాగా నేడు నవంబర్ 23వ తారీకు ఈ సినిమా ట్రైలర్ విడుదల చేయడానికి మేకర్స్ రెడీ అయ్యారు. ఆల్రెడీ ఈ విషయాన్ని సోషల్ మీడియా వేదికగా అధికారికంగా కూడా ప్రకటించారు.
అయితే నేడు విడుదల కాబోయే ట్రైలర్ లో ప్రేక్షకులకు ట్విస్ట్ ఇచ్చే విధంగా సినిమాపై ఇంట్రెస్ట్ కలిగించే విధంగా.. సందీప్ రెడ్డి వంగా సస్పెన్స్ మెయింటైన్ చేయబోతున్నట్లు బాలీవుడ్ లో టాక్. హీరో క్యారెక్టర్జేషన్ కి సంబంధించి.. ఆ ట్వీస్ట్ ఉండనున్నట్లు వార్తలు వస్తున్నాయి. ఇదిలా ఉంటే కొద్ది రోజుల క్రితం హైదరాబాద్ లో నందమూరి బాలకృష్ణ హోస్ట్ గా చేస్తున్న అన్ స్టాపబుల్ సీజన్ 3 లో ఈ సినిమా యూనిట్ సందడి చేయడం జరిగింది. దర్శకుడు సందీప్ రెడ్డి వంగా.. హీరో రణబీర్ కపూర్ హీరోయిన్ రష్మిక మందన షోలో పాల్గొన్నారు. ఈ ఎపిసోడ్ నవంబర్ 24 వ తారీకు ఆహాలో స్ట్రీమింగ్ కానుంది. చాలా వైవిధ్యమైన స్టోరీ లైన్ తో సందీప్ రెడ్డి వంగా యానిమల్ సినిమా చిత్రీకరించినట్లు సమాచారం.