“నేను డూప్ పెట్టుకుని న‌టించ‌డానికి అంగీక‌రించ‌ను. రోప్‌లు క‌ట్టి యాక్ష‌న్ స‌న్నివేశాలు చేసిన ఈ వ‌య‌సులో చేయ‌గ‌ల‌నా? అని అనుకున్నాను. అయితే మేక‌ప్ వేసుకుని గుర్రం ఎక్క‌గానే అవ‌న్నీ మ‌ర‌చిపోయాను. అందు కార‌ణం నా అభిమానులే“ అని అన్నారు మెగాస్టార్ చిరంజీవి. ఈయ‌న టైటిల్ పాత్ర‌లో న‌టించిన చిత్రం `సైరా న‌ర‌సింహా రెడ్డి`. ఈ సినిమా ప్రీరిలీజ్ ఈవెంట్ ఆదివారం హైద‌రాబాద్‌లో జ‌రిగింది. ఈ వేడుక‌లో ఆయ‌న మాట్లాడుతూ “సెప్టెంబ‌ర్ 22 నా జీవితంలో మ‌ర‌చిపోలేని రోజు. 1978, సెప్టెంబ‌ర్ 22న ప్రాణం ఖ‌రీదు సినిమా ప్రేక్ష‌కుల ముందుక వచ్చింది. ఆరోజు న‌న్ను ప్రేక్ష‌కులు ఎలా రిసీస్ చేసుకుంటారోన‌ని ఓ టెన్ష‌న్ ఉండింది. అలాంటి టెన్ష‌న్‌ను ఈరోజు నేను అనుభ‌వించాను. సాధార‌ణంగా సినిమా చేయాల‌నుకోగానే ఓ పాయింట్ అనుకుని క‌థ‌ను అల్లుకుపోతాం. కానీ సైరా అనేది పుష్క‌ర‌కాలం క‌న్నా ఎక్కువ‌గా నేను చేయాల‌నుకున్న సినిమా. ఎప్ప‌టి నుండో ఈ సినిమా చేయాల‌నుకుంటున్నా.. ఉయ్యాల‌వాడ గురించి కొన్ని పుస్త‌కాల్లో, ఉగ్గుక‌థ‌లు త‌ప్ప, ఎవ‌రికీ పెద్ద‌గా తెలియ‌దు. అంత పెద్ద వీరుడు చ‌రిత్ర‌లో క‌నుమ‌రుగైపోయాడ‌నిపించింది. ఆయ‌న క‌థ‌ను సినిమాగా తీయాల‌నుకున్నాను. అందుకే ప‌రుచూరి బ్ర‌ద‌ర్స్ ఈ క‌థ‌ను చెప్ప‌గానే ఒప్పుకున్నాను“ అన్నారు.
న‌న్ను నేను మ‌ర‌చిపోతా: చిరంజీవి
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!