అడ‌ల్ట్ వెబ్ సిరీస్‌ను నిర్మిస్తున్నఅగ్ర నిర్మాణ సంస్థ‌

తెలుగు చిత్ర‌సీమ‌లోని అగ్ర నిర్మాణ సంస్థ‌ల్లో గీతాఆర్ట్స్ ఒక‌టి. ఇప్ప‌టి వ‌ర‌కు సినిమా రంగానికే ప‌రిమిత‌మైన ఈ సంస్థ త్వ‌ర‌లోనే డిజిట‌ల్ మీడియా రంగంలోకి ఎంట్రీ ఇవ్వ‌నుంది. వివ‌రాల్లోకెళ్తే.. గీతాఆర్ట్స్ సంస్థ త్వ‌ర‌లోనే స్వంతంగా ఓ డిజిట‌ల్ ఫ్లాట్‌ఫామ్‌ను స్టార్ట్ చేయ‌నుంద‌ట‌. ఇప్ప‌టికే అలాంటి మాధ్య‌మాన్ని సీక్రెట్‌గా స్టార్ట్ చేసి అందులో ఓ అడ‌ల్ట్ వెబ్‌సిరీస్‌ను రూపొందిస్తుంద‌ట‌. ఇందులో హీరోయిన్ సంజ‌న న‌టిస్తుంద‌ట‌. ఓ డెబ్యూ డైరెక్ట‌ర్ ఈ వెబ్‌సిరీస్‌ను తెర‌కెక్కిస్తున్నాడ‌ని స‌మాచారం. `బుబ్జిగాడు` స‌హా కొన్ని తెలుగు చిత్రాల్లో కీల‌క పాత్ర‌ల్లో న‌టించిన సంజ‌న ప్ర‌స్తుతం స్వ‌ర్ణ‌ఖ‌డ్గం అనే సీరియ‌ల్‌లో న‌టిస్తుంది.