ఇఫి ప్రారంభం

గోవాలో ఇంట‌ర్నేష‌న‌ల్ ఫిలిం ఫెస్టివల్ ఆఫ్ ఇండియా(ఇఫి) అత్యంత వైభవంగా ప్రారంభ‌మైంది. ఈ ఏడాది గోవాలో ఇఫి జ‌రుపుకుంటోన్న గోల్డెన్ జూబ్లీ వేడుక‌లు ఇవి. ఈ నెల 28వ వ‌ర‌కు ఈ ఫిలిం ఫెస్టివ‌ల్ జ‌ర‌గ‌నుంది. ప్ర‌పంచ దేశాల నుండి ప‌లువురు సినీ ప్రముఖులు ఈ వేడుక‌ల‌కు వ‌స్తున్నారు. 76 దేశాల‌కు చెందిన 250 సినిమాలు ఇందులో ప్ర‌ద‌ర్శితం కానున్నాయి. ఇందులో డాక్యుమెంట‌రీలు, షార్ట్‌ఫిలింస్ కూడా ఉన్నాయి. మ‌న దేశానికి చెందిన 27 సినిమాలు ఇందులో ప్ర‌ద‌ర్శితం కానున్నాయి. ప్ర‌తి ఏడాది ఒక్కొక్క దేశంతో మ‌న దేశం క‌లిసి ఈ వేడుక‌ల‌ను నిర్వ‌హిస్తుంటుంది. ఈ ఏడాది ర‌ష్యాతో క‌లిసి ఇఫి వేడుక‌ల‌ను మ‌న ప్ర‌భుత్వం ప్ర‌తిష్టాత్మ‌కంగా నిర్వ‌హిస్తుంది.