Jabardasth Hyper Aadi : బుల్లితెరపై పాపులారిటీ సంపాదించుకున్న హైపర్ ఆది.. సినిమాలలో సక్సెస్ కాకపోవడానికి కారణం ఇదే..?

Jabardasth Hyper Aadi  : జబర్దస్త్ అనగానే అందరికీ మొదటిగా గుర్తొచ్చేది హైపర్ ఆది. ప్రతి నిమిషా నిమిషానికి పంచులు వేస్తూ,బుల్లితెర ప్రేక్షకులను కడుపుబ్బా నవ్విస్తూ ఎంతో మంది ప్రేక్షకాదరణ పొందిన కమెడియన్ గా హైపర్ ఆది మంచి గుర్తింపు సంపాదించుకున్నాడు.

బుల్లి తెరపై మంచి పాపులారిటీని దక్కించుకోవడంతో హైపర్ ఆదికి వెండితెరపై నటించే అవకాశాలు కూడా లభించాయి. ఈ క్రమంలోనే వెండితెర పై పలు సినిమాల్లో కమెడియన్ గా తన ప్రస్థానం కొనసాగించాడు. అయితే బుల్లితెరపై ఆది సంపాదించుకున్న క్రేజ్ వెండితెరపై సంపాదించుకోలేక పోయాడు.

హైపర్ ఆది మాత్రమే కాకుండా సుడిగాలి సుదీర్ చమ్మక్ చంద్ర మిగిలిన జబర్దస్త్ కామెడీలు బుల్లితెరపై ఎంతగానో ఆకట్టుకున్నారు.వీరందరూ కూడా పలు సినిమాలలో నటించినప్పటికీ ఎలాంటి సక్సెస్ ను అందుకోలేక పోయారు. ముఖ్యంగా హైపర్ ఆదికున్న క్రేజ్ ఏ ఇతర కమెడియన్ లకు లేదని చెప్పవచ్చు. తనకున్న పాపులారిటీతో మొదటగా అల్లరి నరేష్ హీరోగా “మేడమీద అబ్బాయి”అనే సినిమాలో నటించారు. అయితే ఈ సినిమా అట్టర్ ఫ్లాప్ అయ్యింది. తరువాత వరుణ్ తేజ్ నటించిన “తొలిప్రేమ”సినిమాలో హైపర్ ఆది మరోసారి కనిపించారు. ఈ సినిమా మంచి హిట్ అయినప్పటికీ హైపర్ ఆదికి పెద్దగా గుర్తింపును తెచ్చి పెట్టలేకపోయింది. ఇవే కాకుండా పలు చిత్రాలలో నటించినప్పటికీ వెండితెరపై సక్సెస్ ను అందుకోలేక పోతున్నాడు.

Jabardasth Hyper Aadi  వెండి తెరపై సక్సెస్ కాకపోవడానికి కారణం అదే:

జబర్దస్త్ కామెడీ షో ద్వారా బుల్లితెరపై కనిపించి తన మాట తీరూతో తన వేసే పంచ్ డైలాగ్స్ ద్వారా అందరినీ ఆకట్టుకున్న హైపర్ ఆది బాగా పాపులారిటీని సంపాదించుకున్నాడు. అయితే జబర్దస్త్ షో లో హైపర్ ఆది టీమ్ మొత్తం హైపర్ ఆది ఎక్కువసేపు తెరపై కనబడటంతో ప్రేక్షకుల దృష్టి మొత్తం తన వైపు ఆకర్షించ కుంటున్నాడు. దీంతో బుల్లితెరపై హైపర్ ఆదికి మంచి క్రేజ్ వచ్చిందని చెప్పవచ్చు. అయితే వెండితెరపై సినిమాలలో ఎక్కడో ఒక చోట మాత్రమే కనిపించడం వల్ల వెండి తెరపై మంచి విజయాన్ని అందుకోలేకపోతున్నానంటూ, సరైన పాత్ర దొరికితే
వెండితెరపై కూడా సక్సెస్ అందుకుంటా అంటూ ధీమా వ్యక్తం చేస్తున్నాడు ఈ కమెడియన్.