Guntur Kaaram: ఈ సంక్రాంతి పండుగకు టాలీవుడ్ బాక్సాఫీస్ వద్ద నాలుగు సినిమాలు విడుదలయ్యాయి. గుంటూరు కారం, హనుమాన్, సైంధవ్, నా సామి రంగ. ఈ నాలుగింటిలో “హనుమాన్” సినిమా సంక్రాంతి ఛాంపియన్ గా నిలిచింది. చిన్న సినిమా అయినా గాని ఊహించని నెంబర్స్ తో కలెక్షన్స్ సాధిస్తుంది. అయితే అతిపెద్ద సినిమాగా మహేష్ “గుంటూరు కారం” రిలీజ్ అయ్యి మొదటి రోజే మిక్సడ్ టాక్ సొంతం చేసుకోవడం జరిగింది. త్రివిక్రమ్ దర్శకత్వం వహించిన ఈ సినిమా ప్రేక్షకులను ఏమాత్రం మెప్పించలేకపోయింది. కానీ ఓపెనింగ్స్ కలెక్షన్స్ మాత్రం మహేష్ కెరియర్ లోనే అత్యధికమైన నంబర్స్ ఈ సినిమాకి రావడం జరిగింది.
గతంలో త్రివిక్రమ్ దర్శకత్వంలో మహేష్ నటించిన అతడు, ఖలేజా సినిమాలు అభిమానులను ఎంతగానో ఆకట్టుకున్నాయి. ఆ రెండు సినిమాలలో మహేష్ బాబుని అప్పటివరకు ఏ దర్శకుడు చూపించిన విధంగా త్రివిక్రమ్ చూపించారు. దీంతో “గుంటూరు కారం” పై భారీ అంచనాలు నెలకొన్నయి. కానీ సినిమా మాత్రం ఏ కోణంలో కూడా అభిమానులను ఆకట్టుకోలేకపోయింది. మహేష్ డాన్స్ మాత్రం ఈ సినిమాలో చాలా హైలెట్ గా నిలిచింది. ఈ సినిమా జనవరి 12వ తారీకు విడుదలయ్యింది. అయితే ఇప్పుడు సినిమా విడుదల అయ్యి నెలరోజులు కాకముందే ఓటీటీ కన్ఫామ్ చేయడం జరిగింది.
విషయంలోకి వెళ్తే ఫిబ్రవరి 9 లేదా 10వ తారీఖున నెట్ ఫ్లిక్స్ లో “గుంటూరు కారం” స్ట్రీమింగ్ కాబోతుందట. త్వరలోనే ఈ విషయాన్ని అధికారిక ప్రకటన చేయబోతున్నట్లు సమాచారం. ఈ సినిమా మాత్రమే కాదు ప్రభాస్ “సలార్” సినిమా సూపర్ డూపర్ హిట్ అయినా గాని నెల రోజులు కాకముందే ఓటీటీలో విడుదల చేయడం జరిగింది. ఇప్పుడు “గుంటూరు కారం” ఓటీటీలో రిలీజ్ చేయడానికి సన్నాహాలు చేస్తున్నారు. సంక్రాంతికి విడుదలైన “గుంటూరు కారం” మిక్సడ్ టాక్ వచ్చినప్పటికీ.. వారంలోనే 212 కోట్ల కలెక్షన్స్ సొంతం చేసుకోవడం జరిగింది. మహేష్ బాబుని ఈ సినిమాలో చాలా వైవిధ్యంగా చూపించడం జరిగింది.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!