మెగాస్టార్ 151వ చిత్రం `సైరా న‌ర‌సింహారెడ్డి`. ఎంతో ప్ర‌తిష్టాత్మ‌కంగా తెర‌కెక్కుతోన్న ఈ చిత్రంలో చిరంజీవితో పాటు బాలీవుడ్ సూప‌ర్‌స్టార్ బిగ్ బి, విజ‌య్ సేతుప‌తి, న‌య‌న‌తార, కిచ్చా సుదీప్‌, జ‌గ‌ప‌తిబాబు, అనుష్క, త‌మ‌న్నా త‌దిత‌రులు ప్ర‌ధాన తారాగ‌ణంగా న‌టిస్తున్నారు. రీసెంట్‌గా చిత్రీక‌ర‌ణ పూర్తి చేసుకున్న ఈ సినిమా పోస్ట్ ప్రొడ‌క్ష‌న్ ప‌నులు శ‌ర‌వేగంగా జరుగుతున్నాయి. అక్టోబ‌ర్ 2న సినిమాను విడుద‌ల చేయ‌డానికి స‌న్నాహాలు జ‌రుగుతున్న‌ట్లు స‌మాచారం. కాగా ఈ సినిమాలో అమిత్ త్రివేది వ‌ర్క్ న‌చ్చి న మెగాస్టార్ చిరంజీవి త‌న త‌దుప‌రి చిత్రం 152కు కూడా అమిత్ త్రివేదితోనే మ్యూజిక్ చేయించుకోవాల‌ని అనుకుంటున్నాడ‌ని టాక్‌. ఈ చిత్రం కొర‌టాల దర్శక‌త్వంలో రూపొంద‌నుంది. ఈ సినిమాకు సంబంధించిన వివ‌రాలు చిరంజీవి పుట్టిన‌రోజు ఆగ‌స్ట్ 22న వెల్ల‌డ‌య్యే అవ‌కాశాలున్న‌ట్లు స‌మాచారం.