గ‌త ఏడాది గ్లామర్‌తో క‌మ‌ర్షియ‌ల్ సినిమాల హీరోయిన్‌గా పేరు తెచ్చుకున్నప్పటికీ `మ‌హాన‌టి` చిత్రంలో అలనాటి సావిత్రిగా నటించి… ఆడియెన్స్‌ని మెప్పించి, పెర్ఫామెన్స్ ప‌రంగా కూడా అద్భుత‌మైన న‌టి, అనే పేరు సంపాదించుకుంది కీర్తి సురేష్‌. ఈ ఏడాది విషయానికి వస్తే చేతి నిండా ప్రాజెక్టులతో బిజీ బిజీగా ఉంది.. వివరాల్లోకెళ్తే ఈ అమ్మ‌డు రజనీకాంత్, మురుగ‌దాస్ సినిమాలో హీరోయిన్‌గా నటిస్తుంది. అలాగే బోనీక‌పూర్ నిర్మాణంలో ఓ మ‌హిళా ప్ర‌ధాన చిత్రంలో న‌టించ‌డానికి ఒప్పుకుంద‌ని వార్త‌లు విన‌ప‌డ్డాయి. అయితే ఇప్ప‌టికే ఈస్ట్ కోస్ట్ ప్రొడ‌క్ష‌న్స్ బ్యాన‌ర్‌లో కూడా ఓ లేడీ ఒరియెంటెడ్ సినిమా చేయ‌నుంది. ఈ సినిమా లాంఛ‌నంగా ప్రారంభ‌మైంది కూడా. కాగా పైన చెప్పిన మూడు చిత్రాలతో పాటు.. కీర్తిసురేష్ టైటిల్ పాత్ర‌లో మరో సినిమాలో నటించ‌నుంద‌ట. ఆస‌క్తిక‌ర‌మైన విష‌య‌మేమంటే, `హైద‌రాబాద్ బ్లూస్‌`, `ఇక్బాల్`. `ధ‌న‌క్‌` వంటి వైవిధ్యమైన చిత్రాల‌ను తెర‌కెక్కించిన నేష‌న‌ల్ అవార్డ్ విన్నింగ్ డైరెక్ట‌ర్ న‌గేష్ కుకునూర్ ఈ చిత్రాన్ని తెర‌కెక్కించనున్నాడ‌ట. తెలుగు, త‌మిళ, హిందీ భాష‌ల్లో సినిమాను రూపొందించ‌నున్నారు. రిల‌య‌న్స్ ఎంట‌ర్‌టైన్‌మెంట్స్ సంస్థ‌తో పాటు మరో ప్ర‌ముఖ తెలుగు నిర్మాణ సంస్థ ఈ సినిమా నిర్మాణంలో భాగ‌స్వామ్యం కానుంది. ఇప్ప‌టికే ఫోటో షూట్ కూడా పూర్త‌య్యింద‌ట. ద‌ర్శ‌కుడు న‌గేష్ ఈ స్క్రిప్ట్‌కు తుది మెరుగులు దిద్దుతున్నార‌ట. అంతా ఓకే అయితే త్వ‌ర‌లోనే అనౌన్స్‌మెంట్ ఉంటుందంటున్నాయి సినీ వ‌ర్గాలు.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!