Nandita Swetha : అందం, అభిన‌యంతో పాటు మంచి ట్యాలెంట్ ఉన్న హీరోయిన్స్‌లో నందితా శ్వేత ఒక‌రు. 2008లో క‌న్న‌డ మూవీతో సినీ కెరీర్‌ను స్టార్ట్ చేసిన ఈ బ్యూటీ.. 2016లో నిఖిల్ హీరోగా వ‌చ్చిన హార్ర‌ర్ & కామెడీ చిత్రం `ఎక్కడికి పోతావు చిన్నవాడా`తో టాలీవుడ్‌లోకి ఎంట్రీ ఇచ్చింది.
ఈ మూవీ త‌ర్వాత తెలుగులో మ‌రిన్ని అవ‌కాశాలు ద‌క్కించుకున్న నందితా.. స్టార్ హీరోయిన్‌గా మాత్రం ఎద‌గ‌లేక‌పోయింది. న‌టిగా మంచి గుర్తింపే ద‌క్కినా.. స‌రైన హిట్లు లేక‌పోవ‌డంతో ఈమెకు అవ‌కాశాలు త‌గ్గిపోయాయి. దీంతో తాజాగా నందితా బుల్లితెర‌పై అడుగు పెట్టింది. ప్ర‌ముఖ టీవీ ఛానెల్‌లో ప్ర‌సారం అవుతున్న రియాలిటీ డ్యాన్స్ షో `ఢీ`కి జడ్జ్‌గా నందితా అల‌రిస్తోంది.
ఇక‌పోతే హీరోయిన్లు సోష‌ల్ మీడియా వేదిక‌గా ఎప్ప‌టిక‌ప్పుడు బాడీ షేమింగ్ కామెంట్స్‌ను ఫేస్ చేస్తూనే ఉంటారు. నందితా శ్వేత‌కు సైతం ఇలాంటి చేదు అనుభ‌వ‌మే ఎదురైంది. తాజాగా ఈ భామ ఇన్‌స్టాలో కొన్ని ఫొటోల‌ను షేర్ చేసింది. అయితే ఈ పిక్స్‌ను చూసిన ఓ నెటిజ‌న్ నందితా శరీరాకృతిపై అసభ్యంగా కామెంట్స్ చేశాడు.
`నీ శరీరాకృతిని చూసుకో.. నీ షేప్స్ కూడా చూసుకో.. ఆంటీలా అవుతున్నావ్‌. కాస్తా వర్కౌట్స్‌ చేయ్‌` అంటూ స‌ద‌రు నెటిజ‌న్ కామెంట్స్ చేయ‌గా.. వాటిని చూసిన నందితా అత‌డికి స్ట్రోంగ్‌గా రిప్లై ఇచ్చింది. `మనుషులు ఇలా కూడా ఉంటారా?. నేను దేవతను కాదు.. నేను కూడా ఓ సామాన్య మనిషిని. అందరిలానే నాకు కూడా బాధలు ఉంటాయి.. ఇలాంటి మాటలు ఎలా మాట్లాడతారు.. నా శరీరాన్ని నేను ప్రేమిస్తాను.. ఇప్పుడు నేను ఉన్న స్థితిని, కనిపించే విధానాన్ని కూడా ఇష్టపడుతున్నాను` అంటూ ఇన్‌స్టా స్టోరీలో కౌంట‌ర్ ఇచ్చింది. దీంతో ఆమెకు చాలా మంది మ‌ద్ద‌తుగా నిలుస్తున్నారు.
Baahubali: సరికొత్త కథతో ఓటీటీలోకి వచ్చేస్తున్న బాహుబలి.. రిలీజ్ డేట్ ఇదే..!