RRR: “ఆర్ఆర్ఆర్” ప్రభంజనంతో రికార్డ్ స్థాయి వసూళ్లు రాబడుతోంది సంగతి తెలిసిందే. సినిమా రిలీజ్ అయిన ప్రతీచోటా పాజిటివ్ టాక్ రావడంతో సినిమా ప్రేమికులు..”ఆర్ఆర్ఆర్” కి బ్రహ్మరథం పడుతున్నారు. చరణ్ అదేవిధంగా ఎన్టీఆర్ నటనకు ఉత్తరాది ప్రేక్షకులు ఫిదా అయిపోయారు. ముఖ్యంగా “బాహుబలి” తర్వాత రాజమౌళి మరోసారి తన టేకింగ్ ఏంటో “ఆర్ఆర్ఆర్” తో రుజువు చేశారని అంటున్నారు. ఇదిలా ఉంటే ఈ సినిమా విడుదలకు ముందు చరణ్… జంజీర్ తో బాలీవుడ్ ఎంట్రీ ఇవ్వటం తెలిసిందే. ఆ సినిమాతో కొద్దోగొప్పో అక్కడ గుర్తింపు రామ్ చరణ్ కి ఉంది.
కానీ ఎన్టీఆర్ కి పెద్దగా బాలీవుడ్ లో చెప్పుకోదగ్గ ఫాలోయింగ్ లేదు. ఎప్పుడైతే “ఆర్ఆర్ఆర్” రిలీజ్ అయిందో… తారక్ నటనకు బాలీవుడ్ ప్రముఖులు ఫిదా అయిపోయారు. సినిమాలో కొమరం భీమ్ పాత్రకు ఎన్టీఆర్ తప్ప మిగతా వాళ్ళు ఎవరు చేయలేరు అనే కామెంట్ లు బాలీవుడ్ నుండి వినబడుతున్నాయి. దీంతో ప్రస్తుతం బాలీవుడ్ ఇండస్ట్రీలో ఒక మెగా నిర్మాణ సంస్థ తారక్ తో సినిమా చేయడానికి రెడీ అయినట్లు ఇండస్ట్రీలో వార్తలు వస్తున్నాయి.
పూర్తి విషయంలోకి వెళితే బాలీవుడ్ మెగా ప్రొడక్షన్ హౌస్ ధర్మ ప్రొడక్షన్స్.. ఎన్టీఆర్ తో బై లాంగ్వేజ్ సినిమా చేసే ఆలోచనలో ఉన్నట్లు వార్తలు వినిపిస్తున్నాయి. కరణ్ జోహార్ ధర్మ ప్రొడక్షన్స్ అధినేత కావటంతో… ఎన్టీఆర్ యాక్టింగ్ కి సరిగ్గా సూటయ్యే సబ్జెక్టు ఎంచుకున్నట్లు ఈ క్రమంలో తారక్ కి భారీ రెమ్యూనరేషన్ ఆఫర్ చేసినట్లు త్వరలో అధికారిక ప్రకటన రానున్నట్లు సమాచారం. ప్రస్తుతం ఎన్టీఆర్… కొరటాల శివ, ప్రశాంత్ నీల్ దర్శకత్వంలో సినిమాలు చేస్తున్నారు. ధర్మ ప్రొడక్షన్ సబ్జెక్ట్ ఓకే అయితే మూడో సినిమాగా ఎన్టీఆర్ వర్క్ స్టార్ట్ చేసే అవకాశం ఉన్నట్లు ఇండస్ట్రీ టాక్ నడుస్తోంది.
Baahubali: సరికొత్త కథతో ఓటీటీలోకి వచ్చేస్తున్న బాహుబలి.. రిలీజ్ డేట్ ఇదే..!