Pushpa Movie Updates: సుకుమార్ – అల్లు అర్జున్ కలయికలో వస్తున్న సినిమా పుష్ప.. ఇప్పటికే విడుదలయిన టీజర్ తో ఈ సినిమాలో యాక్షన్ మసాలా ఫుల్లుగా ఉంటుందని అర్ధమయింది. ఓ అడవిలో స్మగ్లింగ్ చేసుకుంటూ.., పోలీసులకు దొరక్కుండా ఉండే బలమైన స్మగ్లర్ పాత్రలో అల్లు అర్జున్ నటించారనేది ప్రాధమికంగా వస్తున్న టాక్. టీజర్ లో సన్నివేశాలు, తెరపై దృశ్యాలు కూడా అవే ఆవిష్కరించాయి. ఈ సినిమా రెండు భాగాల్లో ఉంటుందని ఇప్పటికే ఈ టీమ్ ధృవీకరించింది. దాదాపు రూ. 250 కోట్ల వ్యయంతో భారీగా ఈ సినిమాని నిర్మిస్తున్నారు. అందుకు తగ్గట్టే భారీ యాక్షన్ సీన్లు కూడా షూట్ చేశారు. ఇక తాజాగా వస్తున్న అప్డేట్ చూసుకుంటే ఈ సినిమా రెండో భాగానికి ఆసక్తికరమైన పేరుని పరిశీలిస్తున్నారు.
Pushpa Movie Updates: స్మగ్లింగ్ కింగ్ పరిశీలనలో..!!
పుష్పరాజ్ అనే ఓ డాన్ అడవిలో ఉంటూ స్మగ్లింగ్ చేసుంటారు. అందుకే మొదటి భాగానికి పుష్ప అనే పేరుని ఖరారు చేశారు. ఇక రెండో భాగం కోసం “స్మగ్లింగ్ కింగ్” అనే పేరుని పరిశీలిస్తున్నారని సమాచారం. ఈ పేరు అయితేనే అతికినట్టు ఉంటుందని.. పవర్ ఫుల్ గా ఉంటుందని ఈ టీమ్ భావిస్తోందట. మొదటి భాగాన్ని ఈ ఏడాది ఆగష్టులో విడుదల చేయాలని అనుకున్నప్పటికీ.. కరోనా కారణంగా వాయిదా వేశారు. షూటింగ్ ఇంకో 20 శాతం అవ్వాల్సి ఉంది. మొదటి భాగం విడుదలైన తర్వాత వచ్చే ఏడాది వేసవి నాటికి రెండో భాగాన్ని సిద్ధం చేస్తున్నట్టు సమాచారం..!