Radhe shyam: ‘రాధేశ్యామ్’ చూశాక ఎవరైనా శంకర్ సినిమాలను మర్చిపోవాల్సిందేనట. అవును ప్రస్తుతం ప్రభాస్ అభిమానులతో పాటు..ఫిల్మ్ సర్కిల్స్‌లోనూ ఇదే చర్చ సాగుతోంది. ఎందుకో తెలుసా..ఇందులో ఉన్న అద్భుతమైన వీఎఫ్ఎక్స్. ఈ సినిమాలో ఇప్పటి వరకు తెలుగు సినిమా స్క్రీన్ మీద చూడని విధంగా విజువల్ ఎఫెక్ట్స్ ఉండబోతున్నాయట. అందుకు సంబంధించిన ఓ న్యూస్ కూడా సోషల్ మీడియాలో చక్కర్లు కొడుతూ ప్రభాస్ ఫ్యాన్స్‌ను ఊరిస్తోంది. దర్శకుడు రాధా కృష్ణ కుమార్ అత్యంత ప్రతిష్టాత్మకంగా తెరకెక్కిస్తున్న ఈ సినిమాలో పాన్ ఇండియన్ స్టార్ ప్రభాస్, మొస్ట్ వాంటెడ్ బ్యూటీ పూజా హెగ్డే జంటగా నటించారు.
ఈ సినిమాలో సీనియర్ స్టార్ హీరో రెబల్ స్టార్ కృష్ణంరాజు.. బాలీవుడ్ నటి భాగ్యశ్రీ ముఖ్య పాత్రల్లో నటిస్తున్న సంగతి తెలిసిందే. ఇప్పటికే ప్రభాస్, పూజా హెగ్డేల పోస్టర్స్‌తో పాటు కృష్ణంరాజు, భాగ్యశ్రీ పాత్రలకు సంబంధించిన లుక్స్ కూడా వచ్చి ఆకట్టుకున్నాయి. ఇక ఈ చిత్రాన్ని దర్శకుడు విధికి ప్రేమకు మధ్య నలిగిపోయిన ఓ జంట ప్రేమకథ ఎలా ఉంటుందో సిల్వర్ స్క్రీన్ మీద చూపించబోతున్నారు. సాంగ్స్, టీజర్స్, ట్రైలర్ ‘రాధేశ్యామ్’ సినిమా ఎలా ఉండబోతుందో జస్ట్ శాంపిల్ చూపించారు.
Radhe shyam: రోబో, ఐ లాంటి చిత్రాలను కూడా వీఎఫ్ఎక్స్ పరంగా ‘రాధేశ్యామ్’ మర్చిపోయేలా చేస్తుందట.
అయితే, తాజాగా వినిపిస్తున్న టాక్ ప్రకారం కోలీవుడ్ స్టార్ డైరెక్టర్ శంకర్ తీసిన రోబో, ఐ లాంటి చిత్రాలను కూడా వీఎఫ్ఎక్స్ పరంగా ‘రాధేశ్యామ్’ మర్చిపోయేలా చేస్తుందట. అందుకు ఉదాహరణగా ఇందులో ఉన్న ఓ సాంగ్ అని అంటున్నారు. పూజా, హెగ్డే ప్రభాస్ మీద షూట్ చేయాల్సిన ఒక రొమాంటిక్ సాంగ్‌ను డేట్స్ సమస్య రావడం వల్ల క్లోజ్ షాట్స్ మిగతా పాట మొత్తం హీరో, హీరోయిన్ లేకుండా వారి డూప్‌లతో కంప్లీట్ చేశారట. ఇటీవల ఆ సాంగ్ లిరికల్ వీడియో కూడా వచ్చింది. కానీ, సాంగ్ చూసిన ఎవరికీ ఆ అనుమానాలు కలగనే లేదు. అంటే వీఎఫ్ఎక్స్‌తో దర్శకుడు, టెక్నికల్ టీమ్ ఎంత మాయ చేశారో అర్థం చేసుకోవచ్చు. ఇక కేవలం ఈ ఒక్క సాంగ్ మాత్రమే కాదు సినిమాలో మెజారిటీ భాగం ఇలాగే మెస్మరైజింగ్‌గా ఉంటుందట. అందుకే ‘రాధేశ్యామ్’ చూశాక శంకర్ సినిమాలను మర్చిపోతారని చెప్పుకుంటున్నారు.