Ram charan: మెగా పవర్ స్టార్ రాం చరణ్, దర్శక ధీరుడు ఎస్ ఎస్ రాజమౌళి కాంబినేషన్‌లో వచ్చిన మగధీర దాదాపు 45 కోట్ల బడ్జెట్‌తో తెరకెక్కి అంతకు రెట్టింపు వసూళ్ళు రాబట్టి సంచలన విజయాన్ని అందుకుంది. పూరి జగన్నాథ్ దర్శకత్వంలో చిరుత సినిమా ద్వారా చరణ్ టాలీవుడ్‌కు హీరోగా పరిచయమయ్యాడు. ఇక రెండవ సినిమా రాజమౌళి దర్శకత్వంలో వచ్చిన మగధీర. ఈ సినిమాతో చరణ్ పెద్ద స్టార్ అయ్యాడు. ఇప్పటికే చరణ్ కెరీర్‌లో టాప్ టెన్ సినిమాల గురించి పరిశీలిస్తే ఫస్ట్ ప్లేస్‌లో నిలిచే సినిమా మగధీర. ఇక రాజమౌళి – ఎన్.టి.ఆర్ కాంబినేషన్‌లో స్టూడెంట్ నంబర్ 1, సింహాద్రి, యమదొంగ చిత్రాలు వచ్చి బ్లాక్ బస్టర్స్‌గా నిలిచాయి.
అయితే రాజమౌళి, ఎన్.టి.ఆర్‌ల మధ్య మంచి అనుబంధం ఉంది. ఇద్దరు కలిసి మూడు సినిమాలు చేశారు కాబట్టి ఇప్పుడు చేసిన ఆర్ఆర్ఆర్ సినిమాను ఎన్.టి.ఆర్ ఒప్పుకోవడం పెద్ద విశేషమేమీ కాదు. ఎందుకంటే రాజమౌళి అంటే తారక్‌కు తారక్ అంటే రాజమౌళికి విపరీతమైన నమ్మకం ఉంది. కానీ, చరణ్ రాజమౌళితో చేసింది ఒక్క సినిమానే. కానీ, ఆ ఒక్క సినిమాతో మాత్రమే కాదు రాజమౌళి ఒక్కో సినిమాతో ఎదిగిన విధానం అందుకున్న సక్సెస్‌లు చరణ్‌ను ఆర్ఆర్ఆర్ సినిమా ఒప్పుకునేలా చేశాయట.
Ram charan: కథ కూడా అడగకుండా రాజమౌళి మీద నమ్మకంతో ఆర్ఆర్ఆర్ సినిమాకు గ్రీన్ సిగ్నల్..
చరణ్ ఇంత గట్టిగా నమ్మడానికి రాజమౌళి సక్సెస్‌లు మాత్రమే కాదు..ఓ కథను తెరకెక్కించే విధానం. జక్కన్న ఒక్కో సీన్ కోసం ఎంతగా శ్రమిస్తాడో..ఎంతగా తాపత్రయపడతాడో మగధీర సినిమా సమయంలో చరణ్ చూశాడు. ఇక బాహుబలి సినిమాతో తెలుగు చిత్ర పరిశ్రమ గొప్పతనాన్ని ఎంతగా చాటి చెప్పాడో అందరికీ తెల్సిందే. ప్రభాస్‌కు ఇప్పుడు పాన్ ఇండియన్ స్టార్‌గా క్రేజ్ రావడానికి కారణం రాజమౌళినే. ఇవన్నీ చరణ్ రాజమౌళిని బ్లైండ్ గా నమ్మడానికి కారణాలు. ఇక మేకింగ్ విషయంలో రాజమౌళి అస్సలు కాంప్రమైజ్ కారు. కాబట్టే ఆర్ఆర్ఆర్ సినిమా కోసం ఇప్పుడు ప్రపంచ వ్యాప్తంగా ప్రతీ ఒక్కరు ఎదురు చూస్తున్నారు. అందుకే చరణ్ కథ కూడా అడగకుండా రాజమౌళి మీద నమ్మకంతో ఆర్ఆర్ఆర్ సినిమాకు గ్రీన్ సిగ్నల్ ఇచ్చాడు.