Ram Charan: మెగా పవర్ స్టార్ రామ్ చరణ్ కెరియర్ లో బిగ్గెస్ట్ హిట్ సినిమాలలో “రంగస్థలం” ఒకటి. 2018 లో వచ్చిన ఈ సినిమా టాలీవుడ్ బాక్సాఫీస్ వద్దని రికార్డులు క్రియేట్ చేసింది. సుకుమార్ దర్శకత్వం వహించిన ఈ సినిమాలో చిట్టిబాబు పాత్రలో చెవిటివాడిగా చరణ్ నటన.. అందరిని ఆకట్టుకుంది. చరణ్ నటనకు చాలామంది సినిమా ప్రముఖులు ఫిదా అయిపోయారు. పవన్ కళ్యాణ్ ప్రత్యేకంగా రామ్ చరణ్ తో కలిసి “రంగస్థలం” సినిమాని థియేటర్ లో చూడటం జరిగింది. అనంతరం “రంగస్థలం” సక్సెస్ మీటిలో చరణ్ ని పొగడ్తలతో ముంచెత్తారు. “రంగస్థలం” దాదాపు 200 కోట్లకు పైగానే కలెక్షన్ సాధించింది.
1980 నేపథ్యంలో “రంగస్థలం” అనే గ్రామీణ నేపథ్యంలో.. పొలిటికల్ రివెంజ్ డ్రామాగా ఈ సినిమా చిత్రీకరించారు. ఈ సినిమాలో రామ్ చరణ్ అన్నయ్యగా.. ఆది పిన్ని శెట్టి పాత్ర సినిమాకి ప్రధానం. కాగా ఇప్పుడు అదే తరహా సినిమా చేయబోతున్నట్లు ఇండస్ట్రీలో వార్తలు వస్తున్నాయి. విషయంలోకి వెళ్తే దర్శకుడు సుకుమార్ శిష్యుడు బుచ్చిబాబు సన.. దర్శకత్వంలో చరణ్ సినిమా చేయనున్న సంగతి తెలిసిందే. ఈ సినిమాకి ఏఆర్ రెహమాన్ సంగీతం అందిస్తున్నారు. అంతేకాదు ఈ సినిమాలో కన్నడ స్టార్ హీరో శివరాజ్ కుమార్ కూడా నటించబోతున్నారట. అంతేకాదు ఈ సినిమా కోసం ఆల్రెడీ ఏకంగా 50 రోజులు కాల్ షీట్స్ ఇవ్వడం జరిగిందట. అంతేకాదు ఈ సినిమాలో చరణ్ కి అన్నగా శివరాజ్ కుమార్ నటించబోతున్నాడట.
“రంగస్థలం” తరహా లోనే బుచ్చిబాబు ఈ సినిమాని గ్రామీణ నేపథ్యంలో తీయబోతున్నారట. ఈ సినిమాలో అథ్లెట్ గా చరణ్ నటించబోతున్నట్లు సమాచారం. ఇందుకోసం ప్రత్యేకంగా చరణ్ వర్కౌట్లు కూడా చేయనున్నట్లు టాక్ నడుస్తోంది. ప్రస్తుతం శంకర్ దర్శకత్వంలో “గేమ్ చేంజర్” అనే సినిమా చేస్తున్నారు. ఈ సినిమా ఈ ఏడాది సెప్టెంబర్ నెలలో విడుదల కాబోతోంది. ఈ సినిమా కంప్లీట్ అయిన వెంటనే బుచ్చిబాబు ప్రాజెక్ట్ స్టార్ట్ చేయబోతున్నారట. బుచ్చిబాబుతో చేయబోయే ప్రాజెక్ట్ చాలా తక్కువ టైంలో కంప్లీట్ చేసే విధంగా చరణ్ ప్లాన్ చేస్తున్నట్లు సమాచారం.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!