Kalki 2898 AD: రెబల్ స్టార్ ప్రభాస్ కొత్త సినిమా “ప్రాజెక్ట్ కె” గ్లింప్స్ జులై 21 వ తారీకు ఉదయం రిలీజ్ కావటం తెలిసిందే. డైరెక్టర్ నాగ్ అశ్విన్ దర్శకత్వంలో తెరకెక్కిన ఈ చిత్రం.. హాలీవుడ్ రేంజ్ లో ఉంది. ప్రభాస్ పోస్టర్ లుక్ కి నెగిటివ్ ఫీడ్ బ్యాక్ రాగా గ్లింప్స్ కి మాత్రం పాజిటివ్ రెస్పాన్స్ వచ్చింది. పూర్తిగా భారతీయ చలన చిత్ర రంగానికి భిన్నంగా హాలీవుడ్ రేంజ్ లో సినిమా తెరకెక్కించినట్లు తెలుస్తోంది. పైగా హాలీవుడ్ ఇండస్ట్రీకి చెందిన కొన్ని కోట్ల ఖరీదైన కెమెరాలతో ఈ సినిమాలో సీన్స్ చిత్రీకరించడం జరిగింది. అంతేకాదు బాలీవుడ్ ఇండస్ట్రీకి చెందిన అమితాబ్ బచ్చన్ ఇంకా దీపికా పదుకొనే, దిశా పటాని వంటి నటీనటులు నటించారు.
ప్రభాస్ కెరియర్ లోనే అత్యంత హై బడ్జెట్ సినిమాగా “ప్రాజెక్ట్ కె” తెరకెక్కించడం జరిగింది. ఈ సినిమా వచ్చే ఏడాది జనవరి నెలలో సంక్రాంతి పండుగకు విడుదల చేయబోతున్నారు. మరోపక్క ఇదే సమయంలో “కల్కి 2898 AD ” అనే టైటిల్ రివిల్ చేయడం జరిగింది. టైటిల్ సౌండ్ చాలా కొత్తగా ఉండటంతో సినిమాపై అంచనాలు మరింతగా పెరిగాయి. పరిస్థితి ఇలా ఉంటే ఈ సినిమా గ్లింప్స్ వీడియో రిలీజ్ కార్యక్రమం అమెరికాలో జరిగింది.
ఈ సందర్భంగా ప్రభాస్ మాట్లాడుతూ.. ఇంట్రెస్టింగ్ కామెంట్ చేశారు. ఇండస్ట్రీలో రాంచరణ్ తనకి అత్యంత సన్నిహితుడని మిత్రుడు అని చెప్పుకొచ్చారు. అంతేకాదు ఏదో ఒక రోజు ఇద్దరం కలిసి సినిమా చేస్తామని స్పష్టం చేశారు. ప్రభాస్ చేసిన కామెంట్స్ తో చరణ్ మరియు రెబల్ స్టార్ అభిమానులు సంబరాలు చేసుకుంటున్నారు. మీ ఇద్దరి కాంబినేషన్ లో రాజమౌళి దర్శకత్వంలోని సినిమా వస్తే బాగుంటుంది అని కామెంట్లు చేస్తున్నారు.